अलविदा कुंदर! शेवटच्या निरोपाला प्रियजनांना शोक अनावर, काळजाचा ठोका चुकवणारे सात फोटो.

अहमदाबाद येथील एअर इंडिया विमान अपघातात मृत्युमुखी पडलेले सहवैमानिक क्लाइव्ह कुंदर यांचे पार्थिव गुरुवारी अहमदाबादहून मुंबईतील राम मंदिर रोड येथील त्यांच्या राहत्या घरी आणण्यात आले. शिवडी येथील ख्रिश्चन स्मशानभूमीत त्यांच्या पार्थिवावर अंत्यसंस्कार करण्यात आले.अहमदाबाद येथे एअर इंडियाचे विमान कोसळून झालेल्या अपघातात 12 केबिन क्रूसह विमानातील 241 जण, तर जमिनीवर 29 जणांना प्राण गमवावे लागले.अपघातग्रस्त विमानाचे होतकरु सहवैमानिक क्लाइव्ह कुंदर यांना मृत्यूने गाठले.

त्यांच्या पार्थिवावर गुरुवारी अंत्यसंस्कार करण्यात आलेमुंबईतील राम मंदिर रोड येथील त्यांच्या राहत्या घरी त्यांचे पार्थिव आणण्यात आले.यावेळी क्लाईव्ह यांच्या प्रियजनांना दुःख अनावर झालेक्लाईव्ह कुंदर यांना अखेरचा निरोप देण्याासाठी मोठी गर्दी जमली होती. नातेवाईक, मित्र परिवार, सहकारी यांनी साश्रू नयनांनी अलविदा केला.शिवडी येथील ख्रिश्चन स्मशानभूमीत त्यांच्या पार्थिवावर अंत्यसंस्कार करण्यात आले. यावेळी अनेकांना दुःखावेग सहन झाला नाही.जड अंतःकरणाने आम्ही फर्स्ट ऑफिसर क्लाईव्ह कुंदर यांना निरोप देतो.

एक तरुण वैमानिक जो पूर्ण आशावादी होता, मौल्यवान सहकारी आणि एअर इंडिया कुटुंबाचा एक अतिशय प्रिय सदस्य होता, अशा भावना एअर इंडियाच्या वतीने शेअर करण्यात आल्या आहेतक्लाइव्ह यांचे शांत समर्पण आणि विमान प्रवासाची आवड यामुळे त्यांच्यासोबत काम करण्याचा बहुमान मिळालेल्या प्रत्येकाने त्याची प्रशंसा केली, असंही एअर इंडियाने ‘एक्स’ पोस्टमध्ये म्हटलं आहे