नणंदेच्या त्रासामुळे तिने उचलले टोकाचे पाऊल, नणंदेने छळल्याचा आरोप.

पुण्यातील आंबेगाव बुद्रुक परिसरात मयुरी देशमुख (३१) या महिलेने आपल्या सहा वर्षांच्या मुलासह इमारतीच्या पाचव्या मजल्यावरून उडी मारून आत्महत्या केली. नणंदेच्या त्रासामुळे तिने हे टोकाचे पाऊल उचलल्याचे समोर आले आहे.पुण्यातील आंबेगाव बुद्रुक परिसरात मयुरी देशमुख (३१) या महिलेने आपल्या सहा वर्षांच्या मुलासह इमारतीच्या पाचव्या मजल्यावरून उडी मारून आत्महत्या केली. बुधवारी सायंकाळी ही घटना घडली असून, परिसरात एकच खळबळ उडाली आहे. मयुरीसोबत तिचा मुलगा विष्णू देशमुख (वय सहा) याचाही मृत्यू झाला.देशमुख कुटुंब मूळचे बुलढाण्याचे असून, गेली काही वर्षे ते पुण्यात वास्तव्यास होते. मयुरी खासगी शाळेत नर्सरीच्या वर्गात शिक्षिका होती. तिचा पती शशिकांत देशमुख बँकेत नोकरीला आहे.

ते कल्पक सृष्टी सोसायटीत राहत होते. घटनेच्या वेळी घरी कोणीच नसल्याचे प्राथमिक तपासात समोर आले आहे. सायंकाळी साडेसहाच्या सुमारास मयुरीने मुलाला घेऊन इमारतीच्या पाचव्या मजल्यावरून उडी मारली. जोराचा आवाज झाल्याने सोसायटीतील रहिवाशांनी घटनास्थळी धाव घेतली. त्या वेळी ही घटना उघडकीस आली. माहिती मिळताच आंबेगाव पोलिस घटनास्थळी दाखल झाले असून, अधिक तपास सुरू आहे.मयुरीने आत्महत्येपूर्वी एक सुसाइड नोट लिहून ठेवली आहे. त्यात तिने नणंदेच्या सततच्या त्रासामुळेच हे टोकाचे पाऊल उचलल्याचे नमूद केले आहे.

पोलिसांनी सुइसाइड नोट ताब्यात घेतली असून, त्याचा तपास केला जात आहे. याप्रकरणी आंबेगाव पोलिस ठाण्यात नोंद करण्यात आली आहे.पुण्याच्या मुळशी तालुक्यातील वैष्णवी हगवणे या विवाहितेच्या आत्महत्या प्रकरणानंतर राज्यातील अनेक हुंडाबळीच्या घटनांवरुन पडदा उठला आहे. सासरच्या लोकांच्या सततच्या छळाला छळाला विवाहिता बळी पडत आहेत. यामुळे अशा प्रकरणांना आळा घालण्याची मागणी होत आहे. विवाहितेवरील अत्याचार थांबावेत, यासाठी सामाजिक स्तरावर सल्लामसलत होण्याची गरज अधोरेखित होत आहे.