कोरोनामध्ये धंदा तोट्यात, पैशांच्या पावसाचा नाद लागला, ३ कोटींचा पाऊस पडणार, पुजा सुरू झाली अन्…

लॉकडाऊनमुळे आर्थिक अडचणीत आलेल्या एका उद्योजकाला दोघांनी ३ कोटी रुपयांचे आमिष दाखवले. हॉटेलमध्ये जादूटोणा करत असताना गुन्हे शाखेने छापा मारला. पोलिसांनी घटनास्थळावरून जडीबुटी, नारळ, कवड्यांसारखे साहित्य जप्त केले असून तिघांना अटक केली आहे. क्रांती चौक पोलीस या प्रकरणाचा अधिक तपास करत आहेत.लॉकडाऊनमुळे आर्थिक अडचणीत आलेल्या एका उद्योजकाला दोघांनी ३ कोटी रुपयांचे आमिष दाखवले. हॉटेलमध्ये जादूटोणा करत असताना गुन्हे शाखेने छापा मारला. पोलिसांनी घटनास्थळावरून जडीबुटी, नारळ, कवड्यांसारखे साहित्य जप्त केले असून तिघांना अटक केली आहे. क्रांती चौक पोलीस या प्रकरणाचा अधिक तपास करत आहेत.

विकास प्रकाश उत्तरवार (वय ४२) रा.हिमायतनगर नांदेड, शंकर बबन काजळे (वय ३६) रा. चिकलठाणा, विलास देवराव कुहिळे (वय ४२) रा. जरूळ तालुका वैजापूर असे अटक करण्यात आलेल्या आरोपींची नावे आहेत. या प्रकरणी अधिक माहिती अशी की, विकास उत्तरवार हे उद्योजक राहिले आहेत 2010 पासून त्यांच्या तीन कंपन्या झाल्या आहेत. मात्र कोरोनामध्ये लागलेल्या लॉकडाऊन नंतर त्यांचे आर्थिक परिस्थिती खराब झाली. यामुळे गेल्या काही दिवसांपासून ते प्लॉटिंगचा व्यवसाय करत आहे.या प्रकरणी गुन्हे शाखेचे पोलीस निरीक्षक संभाजी पवार यांनी दिलेल्या माहितीनुसार, हॉटेल रविराज येथे खोली क्रमांक ३०१ व ३१४ मध्ये पैशांचा पाऊस पाडण्यासाठी जादूटोणा सुरू असल्याची माहिती मिळाली. मिळालेल्या माहितीच्या आधारे पोलीस निरीक्षक काशिनाथ महांडुळे यांनी पथकासह हॉटेलच्या दोन्ही खोल्यांमध्ये प्रवेश केला. यावेळी खोलीत जादूट होण्यासाठी लागणारे साहित्य आढळून आलं.दरम्यान, ज्यामध्ये जडीबुटी,मंत्र लिहिलेला कागद,काळे-लाल कापड, शेंदूर लावलेला पुड्या, पांढऱ्या कवड्या, वाळलेले लिंबू,नारळ इत्यादी साहित्य आढळून आले. याप्रकरणी क्रांती चौक पोलीस ठाण्यामध्ये गुन्हा दाखल करण्यात आला असून या प्रकरणाचा पुढील तपास पोलीस करीत आहे.