शेतकरी पित्यानं कर्ज काढत शिकवलं, मुलगा डॉक्टर होणारच होता पण विमान अपघातानं सारंच हिरावलं.

 गुरुवारी अहमदाबाद येथे झालेल्या अपघातात 265 हून अधिक जणांचा मृत्यू झाला आहे. त्यात अनेक विद्यार्थ्यांचाही समावेश आहे जे डॉक्टर बनणारचं होते.राजस्थानमधील बाडमेरमधील धर्माराम चौधरी नावाचे शेतकरी राहतात. ते शेती करून आपल्या कुटुंबाचा उदरनिर्वाह करतात. शेतीसोबतच ते बालोतरा येथील एका कारखान्यात मजुरीचे कामही करतात. त्यांचे कुटुंब गरीब आहे आणि त्यांना आर्थिक अडचणी आहेत. अशा परिस्थितीत, त्यांचा मुलगा जयप्रकाश याने डॉक्टर बनण्याची इच्छा व्यक्त केली. मुलाचे स्वप्न पूर्ण करण्यासाठी धर्माराम यांनी कर्ज काढण्याचा निर्णय घेतला.धर्माराम यांनी कर्ज घेतले आणि जयप्रकाशला कोटा येथे NEET परीक्षेची तयारी करण्यासाठी पाठवले. जयप्रकाशने दोन वर्षे खूप मेहनत केली. तो नीट परीक्षा पास झाला. त्याला अहमदाबादच्या बी. जे. मेडिकल कॉलेजमध्ये प्रवेश मिळाला. पण एका विमान अपघाताने जयप्रकाशच्या कुटुंबाचे स्वप्न पूर्ण होऊ शकले नाही.जयप्रकाशने दोन वर्षे कोटा येथे NEET ची तयारी केली. 2023 मध्ये त्याच्या मेहनतीचे फळ मिळाले. त्याने 675 गुण मिळवून नीट परीक्षा पास केली. जयप्रकाश आणि त्याच्या आईचे स्वप्न आता पूर्ण होणार होते.

तो बी. जे. मेडिकल कॉलेजमध्ये MBBS चे शिक्षण घेत होता. तो आता दुसऱ्या वर्षाला होता. काही दिवसांपूर्वी ‘ऑपरेशन सिंदूर’ झाले, तेव्हा जयप्रकाश आपल्या गावी आला होता. त्याने सात दिवसांची सुट्टी आपल्या कुटुंबासोबत घालवली. त्याची परीक्षा जवळ होती, त्यामुळे तो परत कॉलेजला गेला. पण नशिबात काहीतरी वेगळेच लिहिले होते. एका विमान अपघाताने मेडिकल हॉस्टेलमध्ये जेवण करत असलेल्या अनेक विद्यार्थी आणि लोकांचा जीव घेतला. त्यात जयप्रकाशचाही समावेश होता.गुरुवारी, 12 जून रोजी, दुपारी 1 वाजता जयप्रकाश चौधरीने आपल्या वडिलांशी बोलणे केले. त्याने वडिलांना सांगितले की, “आता तो लायब्ररीतून बाहेर जाऊन हॉस्टेलच्या मेसमध्ये जेवण करायला जात आहे.” जयप्रकाशने हे पण सांगितले की त्याच्या मोबाईलची बॅटरी संपली आहे. त्यामुळे तो संध्याकाळी पुन्हा फोन करेल. यानंतर अर्ध्या तासातच तो अपघात झाला. 20 वर्षांचा जयप्रकाश 40 टक्के भाजला होता. हॉस्टेलच्या इमारतीचा ढिगारा त्याच्या अंगावर पडला होता. त्यामुळे तो गंभीर जखमी झाला आणि उपचारादरम्यान त्याचा मृत्यू झाला.जयप्रकाशचे नातेवाईक मंगला राम यांनी सांगितले की, जयप्रकाश सकाळपासून दुपारपर्यंत आपल्या मित्रांसोबत लायब्ररीतअभ्यास करत होता. दुपारी 12:30 वाजता त्याचे काही मित्र लायब्ररीतून बाहेर पडले. ते फळं खायला जाणार होते. मित्रांनी जयप्रकाशला विचारले की, “चल, आपण बाहेर जाऊन आंबे घेऊन येऊ.” पण जयप्रकाशने बाहेर जाण्यास नकार दिला. तो म्हणाला की तो हॉस्टेलच्या मेसमध्ये जाऊन जेवण करेल. त्याचे काही मित्र लायब्ररीतून बाहेर गेले. अर्ध्या तासानंतर जयप्रकाश जेवण करण्यासाठी मेसमध्ये गेला. तो आपल्या इतर मित्रांसोबत जेवण करत असतानाच विमान अपघात झाला. या अपघातात हॉस्टेलमधील 34 लोकांचा मृत्यू झाला, ज्यात जयप्रकाशचाही समावेश होता. या दुर्घटनेमुळे संपूर्ण गावात शोककळा पसरली आहे. जयप्रकाशच्या जाण्याने त्याच्या कुटुंबाला मोठा धक्का बसला आहे. त्याचे स्वप्न अपूर्ण राहिले.