ही जादूटोणा करते… 200 मीटर पळवलं अन् मग भयंकर घडलं, धडकी भरवणारी घटना.

एका संशयातून त्याने महिलेची गोळ्या झाडून हत्या केली. ती महिला आपल्यावर जोदूटोणा करते, ती आपली जीव घेईल याची भीती त्याला होती. त्यातून या व्यक्तीने एका निर्दोष महिलेला संपवलं.ती भूत आणि प्रेतांची पूजा करते, तांत्रिकांना भेटते. तिने माझं आयुष्य उद्ध्वस्त केले आहे. माझ्या डोकं नेहमी तापलेलं असतं. मी खूप उपचार घेतले आहेत, पण माझ्यावर काहीही काम करत नाही. ती मला मारुन टाकेन, काही कारवाई करा…’ रामश्रीला दिवसाढवळ्या संपवण्यापूर्वी पंचम नावाच्या एका व्यक्तीने पोलिसांना असा अर्ज दिला होता. या व्यक्तीला संशय होता की त्याच्यावर रामश्री काळी जादू करते. त्याला भीती होती की रामश्री काळ्या जादूने त्याची हत्या केली. म्हणून त्याने रामश्रीला दिवसाढवळ्या गोळ्या घालून संपवलं.उत्तर प्रदेशातील हरदोई येथे ही धक्कादायक घटना घडली आहे. जिल्ह्यातील मक्कुपुरवा येथील बिलग्राम-कन्नौज रस्त्यावर रामश्री नावाची एक 65 वर्षीय महिला तिच्या कुटुंबासह एका झोपडीत राहत होती. काही वर्षांपूर्वी तिचे घर पुरात वाहून गेले होते, तेव्हापासून ही झोपडी तिचा एकमेव आश्रय होता. कुटुंबात तिचा पती, दोन मुले आणि तीन मुली आहेत.

मुले आणि पती शेतमजूर आहेत. घर चालवण्यासाठी रामश्री दुधापासून खवा बनवून जवळच्या इसरापूर गावातील बाजारात विकत असे.तर, पंचम सिंग नावाचा एक माणूस या इसरापूरमध्ये राहायचा. गावाबाहेर त्याचे किराणा दुकान आहे. पंचम हा गुन्हेगारी प्रवृत्तीचा व्यक्ती आहे आणि त्याच्यावर खुनासह तीन गुन्हे दाखल आहेत. खून प्रकरणात त्याला अडीच वर्षे तुरुंगात राहावे लागले होते, परंतु नंतर त्याला उच्च न्यायालयातून जामीन मिळाला. 29 मे 2023 रोजी पंचम बिलग्राम पोलीस ठाण्यात पोहोचला आणि रामश्री त्याच्यावर जादूटोणा करतो असा आरोप करणारा अर्ज दिला. त्याने रामश्रीवर कारवाई करण्याची पोलिसांकडे मागणी केली.पंचमने त्याच्या अर्जात एका तांत्रिकाचे नाव घेतले आणि म्हटले की रामश्री त्याच्यासोबत भूत-प्रेतांची पूजा करते. जादूटोणा करून मला मारुन टाकेल, असं त्याने सांगितलं. रामश्रीपासून त्याच्या जीवाला धोका आहे. पोलिसांनी प्रकरणाची चौकशी केली आणि त्याचे आरोप निराधार ठरवून प्रकरण बंद केला.4 जून रोजी सकाळी रामश्री खवा विकण्यासाठी इसरापूर गावात गेली. खवा विकून सकाळी 8 वाजताच्या सुमारास ती दुसऱ्या महिलेसोबत घरी परतत असताना पंचम तिथे पोहोचला आणि तिच्यासमोर त्याची बाईक थांबवली. रामश्रीला काही समजण्यापूर्वीच त्याने पिस्तूल काढून रामश्रीवर गोळ्या झाडल्या. गोळी तिच्या खांद्याला चाटून गेली. रामश्री जीव वाचवण्यासाठी इसरापूर गावाकडे पळून गेली आणि सुमारे 200 मीटर अंतरावर असलेल्या झोपडीत जाऊन लपली.पंचम देखील पिस्तूल घेऊन तिच्या मागे धावला. तो त्याच झोपडीत घुसला आणि यावेळी रामश्रीच्या छातीत गोळी झाडली. तरीही त्याचे समाधान झाले नाही आणि त्याने रामश्रीच्या चेहऱ्यावर पिस्तूलच्या बटाने अनेक वेळा वार केले. तिची हत्या केल्यानंतर पंचम घटनास्थळावरून पळून गेला. दिवसाढवळ्या झालेल्या या हत्येमुळे कुटुंब आणि गावकरी संतप्त झाले आणि त्यांनी रामश्रीचा मृतदेह रस्त्यावर ठेवून रस्ता अडवला.घटनेची बातमी पसरताच मोठ्या संख्येने पोलिस घटनास्थळी पोहोचले आणि आरोपीला अटक करण्याचे आश्वासन देऊन रस्ता मोकळा केला. पोलिसांनी पंचम सिंगला अटक केली. पोलीस चौकशीत पंचमने सांगितले की, रामश्री त्याच्यावर काळी जादू करायची, म्हणून त्याने तिला मारलं. या घटनेनंतर गावात भीतीचं वातावरण आहे. त्याचबरोबर पोलिसांनी पंचमविरुद्ध गुन्हा दाखल करून पुढील कारवाई सुरू केली आहे.