Rajendra Nikam
पुण्यातील अल्पवयीन मुलांनी गाड्यांची तोडफोड केली असली, तरी आता त्यांच्या पालकांना शिक्षेला सामोरे जावे लागणार आहे. सिंहगड रोड परिसरात गाड्यांची तोडफोड करणाऱ्या अल्पवयीन मुलांच्या आई वडिलांविरोधात गुन्हा दाखल करण्यात आाला आहे. तर अल्पवयीन मुलांना दारू विकणाऱ्या हॉटेल आणि बारवर देखील कारवाई करण्यात आली आहे. ‘आम्हीच या भागातील भाई’ म्हणत अल्पवयीन मुलांनी 20 ते 22 वाहनांची तोडफोड करत दहशत वाजवण्याचा प्रयत्न केला होता. पोलिसांकडून अल्पवयीन मुलांना दारू विकणारे हॉटेल आणि बार सील करण्यात आले आहेत. सिंहगड रोड पोलिसांनी ही धडक कारवाई केली.सिंहगड रस्त्यावर दारूच्या नशेत अल्पवयीन मुलांनी वाहनांची तोडफोड करून दहशत माजवल्याचा प्रकार दोन दिवसांपूर्वी घडल्याचं उघडकीस आलं होतं.
या प्रकरणात सिंहगड रोड पोलिसांनी मोठी कारवाई केली आहे. पोलिसांनी अल्पवयीन मुलांना दारू विक्री करणारे नशा बार सील केले आहेत. यासह बार मालक, मॅनेजर, बार काऊंटर, दारु देणार्यासह त्या अल्पवयीन मुलांच्या आई-वडिलांना गुन्ह्यात सहआरोपी करण्यात आले आहे.दोन दिवसांपूर्वी दोन अल्पवयीन मुलांसह त्यांच्या साथीदारांनी पुण्यातील सिंहगड रोड परिसरात गाड्यांची तोडफोड केली होती ‘आम्हीच या भागातील भाई’ म्हणत गोंधळ घालत 20 ते 22 वाहनांची या अल्पवयीन मुलांनी तोडफोड करत दहशत वाजवण्याचा प्रयत्न केला होता.
मद्यप्राशन करत या सगळ्या आरोपींनी तोडफोड केल्याचे उघड झाल्यानंतर पोलिसांकडून मुलांच्या पालकांसह बार आणि हॉटेलवर कारवाई करण्यात आली आहे.या सगळ्या प्रकरणी सिंहगड रोड पोलीस स्टेशनमध्ये अल्पवयीन मुलाचे वडिल धर्मा सरोदे (वय 75), दुसर्या एका मुलाची आई तसेच जे. जे. कायदा कलम 77 नुसार नशा बारचे मालक/चालक, तसेच बार मॅनेजर अनिल विनायक सुर्यवंशी, बार काऊंटर विनोद दत्ता कांबळे, दारू विकत घेऊन देणारा कालिदास नायकवाडी यांचा गुन्ह्यात समावेश करण्यात आला आहे
%20गांधी%20यांचे%20निधन.){kind=link}
