महाबळेश्वरचा प्लॅन, एसीवरून वाद, गाडीत दोघांची डोकी तापली अन् भलतंच घडलं.

नवी मुंबईमधून एक धक्कदायक बातमी समोर आली आहे. पती-पत्नीची भांडणे अनेकदा पाहिली ऐकली असतील पण इतकं टोकाचं भांडण पहिल्यांदाच झालेलं असावं. कारणसुद्धा अगदी शुल्लक होतं.मुंबई उपनगरातील दाम्पत्य हे शुक्रवार,शनिवार आणि रविवारी सुट्टीचा एकत्रित जावा यासाठी दिवस थंड वातावरणात महाबळेश्वर येथे जात असतानाच गाडीतील एसी चालू बंद करण्याच्या वादातून जमीर वसीम कादरी (वय-३१ वर्षे, रा. स्कुटर कॉलनी, गोरेगाव, मुंबई) याने पत्नी अनम वसीम कादरी (वय-२६ वर्षे, रा. स्कुटर कॉलनी, गोरेगाव, मुंबई) हिच्या तोंडावर जोरदार प्रहार करीत दात पाडले अन् थंड वातावरणात गरम झाले. सदर घटना घडल्यानंतर सुट्टीचा बेत अर्ध्यात सोडून पती पत्नी ही माघारी फिरले. सदर घटना ही नवी मुंबई येथील वाशी टोल नाका नजिक येथे घडली.याबाबत नवी मुंबई पोलिसांनी दिलेली माहिती अशी की, मुंबईउपनगरातील गोरेगाव परिसरात राहणारे जमीर वसीम कादरी आणि त्याची पत्नी अनम वसीम कादरी हे दाम्पत्य शुक्रवार, शनिवार आणि रविवार हे तीन दिवस थंड हवेच्या ठिकाणी घालवण्यासाठी सातारा जिल्ह्यात असणाऱ्या महाबळेश्वर या ठिकाणी घालविण्यासाठी जात होते.

दिनांक २३ मे २०२५ रोजी रात्री सव्वा दोन वाजण्याच्या सुमारास नवी मुंबई येथील वाशी टोल नाका नजिक येथे गाडीतील एसी बंद सुरू करण्याच्या वाद जमीर वसीम कादरी आणि त्याची पत्नी अनम वसीम कादरी यांच्यात झाला.हा वाद वाढत वाढत मोठ्या प्रमाणात वाढला. या वादाचा राग आल्याने तो राग मनात ठेवत आरोपी पती जमीर कादरी यांनी मनामध्ये धरून फिर्यादी पत्नी अनम वसीम कादरी याना शिवीगाळ करत तोंडावरती जोरात हाताने दोन ठोसे मारले या मुळे अनम कादरी यांचे दोन दात पडत तोंडावरती गंभीर जखम झाली. सदर वादामुळे सुट्टीचा बेत अर्धवट सोडत जमीर वसीम कादरी आणि त्याची पत्नी अनम वसीम कादरी यांनी परत गोरेगाव गाठले.पतीने केलेल्या कृत्याची फिर्याद पत्नी अनम कादरी यांनी एमआयडीसी पोलीस ठाणे अंधेरी मुंबई येथे दिली. मात्र सदर घटना ही नवी मुंबई येथील वाशी पोलिस ठाण्याच्या हद्दीत घडल्याने एमआयडीसी पोलीस ठाणे अंधेरी मुंबई यांनी सदर गुन्हा दाखल करून अधिक तपासाठी वाशी पोलिस ठाणे येथे वर्ग केला असल्याची माहिती वाशी पोलीस ठाण्याचे वरिष्ठ पोलीस निरीक्षक संजय धुमाळ यांनी दिली आहे. याबाबत वाशी पोलिस ठाणे येथे २४ मे २०२५रोजी दुपारी बारा वाजून ५५मिनिटाच्या सुमारास गुन्हा रजि. नंबर २८२/२०२५ भारतीय न्यास सहिता कलम, ११७ (२),३५२ प्रमाणे भारतीय दंड सहिंता १८६० चे कलम ३२५.५०४ प्रमाणे नव्ये दाखल करण्यात आला असून अधिक तपास वरिष्ठ पोलीस निरीक्षक संजय धुमाळ यांच्या मार्गदर्शनाखाली पोलीस उप निरीक्षक निवास शिंदे करीत आहेत.