फोन कॉल अन् बॉलीवूड ​स्टार कायद्याच्या कचाट्यात; मिठी नदी घोटाळ्यात दिनो मोरियाचं कनेक्शन काय?

मुंबई पोलिसांच्या आर्थिक गुन्हे शाखा मुंबईतील मिठी नदी प्रकल्पात झालेल्या 65 कोटी रुपयांपेक्षा जास्त रकमेच्या घोटाळ्याची चौकशी करत आहे. नदीतील गाळ साफ करण्याच्या नावाखाली बनावट बिले बनवण्यात आली आणि प्रत्यक्षात गाळ किंवा कचरा काढण्यात आला नव्हता, असे तपासात आढळून आले आहे. मिठी नदी स्वच्छता प्रकरणी मुंबई पोलिसांनी बॉलिवूड अभिनेता दिनो मोरिया यांची चौकशी केली आहे. अभिनेता दिनो मोरिया आणि त्याचा भाऊ सँटिनोची मुंबई पोलिसांच्या आर्थिक गुन्हे शाखेने (EOW) सोमवारी 65 कोटी रुपयांच्या मिठी नदी गाळ काढण्याच्या घोटाळ्यात संभाव्य भूमिका उघड करण्यासाठी चौकशी केली.पीटीआयच्या वृत्तानुसार, मुंबई पोलिसांना त्यांच्यातील अनेक फोन संभाषणे आढळल्यानंतर अभिनेता आणि त्याच्या भावाचा मुख्य आरोपी केतन कदमशी संबंध उघड झाला. नदीतील गाळ साफ करण्याच्या नावाखाली बनावट बिले बनवण्यात आल्याचे मुंबई पोलिसांच्या आर्थिक गुन्हे शाखेच्या तपासातून आढळून आले तर, प्रत्यक्षात नदीतील गाळ किंवा कचरा काढण्यात आलाच नाही. या घोटाळ्यात बीएमसीचे तीन कर्मचारी आणि एका खाजगी कंपनीच्या संचालकासह 13 जण आरोपी असून त्यांना अटक केली पण, अजूनही 11 जण फरार आहेत. अहवालानुसार, बीएमसी अधिकारी आणि कंत्राटदारांच्या संगनमताने हा घोटाळा करण्यात आला होता असून या प्रकरणात दोन अधिकाऱ्यांची भूमिका देखील तपासली जात आहे.

कदमांशी संबंधित कॉल रेकॉर्ड आणि आर्थिक व्यवहारांची पोलिस चौकशी करत असताना अभिनेता आणि माजी मॉडेल दिनो मोरियाचे नाव समोर आले. अधिकाऱ्यांनी सांगितले की आतापर्यंत सापडलेल्या पुराव्यांची अधिक चौकशी केली जात आहे.मिठी नदीतील गाळ काढण्याच्या घोटाळ्यात भारतातील सर्वात श्रीमंत नागरी संस्था म्हणून मिरवणाऱ्या BMC कडून गाळ काढण्याच्या मशीन तसेच गाळ काढण्याच्या उपकरणांच्या भाड्यात कथित आर्थिक अनियमितता झाल्याचा आरोप आहे. या प्रकरणी आतापर्यंत 13 जणांवर गुन्हा दाखल करण्यात आला आहे. अधिकाऱ्यांनुसार, मुख्य आरोपी कदम आणि त्याचा सहकारी जयेश जोशी यांनी पुरवठादार आणि BMC मध्ये मध्यस्थ म्हणून काम केले व महानगरपालिकेकडून जास्त किंमत वसूल केली.कदमांशी संबंधित कॉल रेकॉर्ड आणि आर्थि

क व्यवहारांची पोलिस चौकशी करत असताना अभिनेता आणि माजी मॉडेल दिनो मोरियाचे नाव समोर आले. अधिकाऱ्यांनी सांगितले की आतापर्यंत सापडलेल्या पुराव्यांची अधिक चौकशी केली जात आहे.मिठी नदीतील गाळ काढण्याच्या घोटाळ्यात भारतातील सर्वात श्रीमंत नागरी संस्था म्हणून मिरवणाऱ्या BMC कडून गाळ काढण्याच्या मशीन तसेच गाळ काढण्याच्या उपकरणांच्या भाड्यात कथित आर्थिक अनियमितता झाल्याचा आरोप आहे. या प्रकरणी आतापर्यंत 13 जणांवर गुन्हा दाखल करण्यात आला आहे. अधिकाऱ्यांनुसार, मुख्य आरोपी कदम आणि त्याचा सहकारी जयेश जोशी यांनी पुरवठादार आणि BMC मध्ये मध्यस्थ म्हणून काम केले व महानगरपालिकेकडून जास्त किंमत वसूल केली.हा घोटाळा महापालिकेच्या वादळ जल निचरा विभाग (SWD) आणि मॅटप्रॉप अधिकाऱ्यांच्या संगनमताने करण्यात आल्याचा आरोप असून कामासाठी आवश्यक यंत्रसामग्रीच्या एका विशिष्ट पुरवठादाराला फायदा व्हावा यासाठी BMC अधिकाऱ्यांनी गाळ काढण्याच्या कंत्राटासाठी निविदा तयार केल्याचा आरोप आहे. केतन हा वोडर इंडिया एलएलपी या मुंबईस्थित कंपनीचा संचालक आहे, जी गाळ काढण्याच्या सेवा पुरवते तर, जयेश हा मुंबईस्थित औद्योगिक उत्पादन उत्पादक कंपनी व्हर्गो स्पेशालिटीज प्रायव्हेट लिमिटेडशी संबंधित आहे.कथितरित्या BMC अधिकाऱ्यांच्या एका पथकाने केरळमधील मॅटप्रॉपच्या प्लांटला भेट दिली, जी गाळ काढण्यात आणि ड्रेजिंग मशीनमध्ये विशेषज्ञता असलेली एक फर्म आहे. नंतर, बीएमसीने मॅटप्रॉप मशीनशी अचूक जुळणारे विशिष्ट ऑर्डर असलेले निविदा जारी केले. म्हणजे निविदेसाठी अर्ज करणाऱ्या कोणत्याही कंत्राटदाराला केरळ फर्मकडून मशीन खरेदी कराव्या लागतील किंवा भाड्याने घ्याव्या लागतील.BMC अधिकाऱ्यांनी मशीन खरेदी करण्यासाठी मॅट्रॉपशी संपर्क साधला तेव्हा त्यांना अशा मशीन भाड्याने देणाऱ्या ‘मध्यस्थ’ केतन कदम आणि जय जोशी यांच्याकडे निर्देशित करण्यात आल्याचे तपासात असे दिसून आले. त्यांनी सुरुवातीला सिल्ट पुशर मशीन आणि पॉन्टून मशीन भाड्याने देण्यासाठी दोन वर्षांच्या करारासाठी 8 कोटी रुपये मागितले तर, अखेर 4 कोटी रुपयांवर सहमती झाली.