आई-वडील, लेकरांसह एकाच कुटुंबातील 7 जणांनी आयुष्य संपवलं; प्रवचनाहून परतताना टोकाचं पाऊल.

पोलिसांना सोमवारी रात्री 11 वाजता माहिती मिळाली की, एका कारमध्ये काही लोक बेशुद्ध अवस्थेत आढळले आहेत. घटनास्थळी पोहोचल्यावर पोलिसांनी त्यांना तातडीने रुग्णालयात दाखल केले.एकाच कुटुंबातील सात जणांच्या आत्महत्येने देशभरात एकच खळबळ उडाली आहे. डेहराडून येथून आलेल्या कुटुंबातील 7 सदस्यांनी पंचकुला जिल्ह्यात टोकाचं पाऊल उचललं. मृतांमध्ये पती-पत्नी, त्यांची तीन मुले आणि दोन वृद्ध सदस्यांचा समावेश आहे. ही घटना Panchkula सेक्टर-27 मध्ये घडली. या कुटुंबाने विष प्राशन करून आत्महत्या केली. संबंधित कुटुंब बाबा धीरेंद्र शास्त्री यांच्या पंचकुला सेक्टर-28 मधील प्रवचन सोहळ्यात सहभागी होण्यासाठी आले होते, असे प्राथमिक तपासणीत समोर आले आहे. कर्जाचा वाढता बोजा आणि आर्थिक तणावामुळे त्यांनी हे पाऊल उचलले असावे, असा पोलिसांचा प्राथमिक अंदाज आहे.पोलिसांना सोमवारी रात्री 11 वाजता माहिती मिळाली की, एका कारमध्ये काही लोक बेशुद्ध अवस्थेत आढळले आहेत. घटनास्थळी पोहोचल्यावर पोलिसांनी त्यांना तातडीने रुग्णालयात दाखल केले. रुग्णालयात 6 जणांना मृत घोषित करण्यात आले, तर एकाची प्रकृती गंभीर होती, ज्याचा नंतर मृत्यू झाला.

मृतांमध्ये प्रवीण मित्तल, त्यांची पत्नी, तीन मुले आणि दोन वृद्ध सदस्यांचा समावेश आहे.प्रवीण मित्तल यांनी काही वर्षांपूर्वी डेहराडूनमध्ये टूर अँड ट्रॅव्हल्सचा व्यवसाय सुरू केला होता, ज्यात त्यांना मोठे नुकसान झाले.व्यवसायात झालेल्या तोट्यामुळे आणि वाढत्या कर्जामुळे ते मानसिक तणावाखाली होते, ज्यामुळे त्यांनी हे टोकाचे पाऊल उचलले.”संपूर्ण कुटुंबाने आत्महत्या केली आहे. सर्वांची ओळख पटली आहे. पोलीस पथके या प्रकरणाच्या कारणांचा शोध घेत आहेत. कुटुंबातील इतर सदस्यांना घटनेची माहिती देण्यात आली आहे. या प्रकरणाची सखोल चौकशी केली जाईल,” असे डीसीपी हिमाद्री कौशिक यांनी सांगितले. घटनेची माहिती मिळताच डीसीपी हिमाद्री कौशिक आणि डीसीपी लॉ अँड ऑर्डर अमित दहिया घटनास्थळी पोहोचले.फॉरेन्सिक टीमने घटनास्थळावरून पुरावे गोळा केले असून, कुटुंबाने हे पाऊल का उचलले आणि पंचकुलामध्ये त्यांनी आत्महत्येचे ठिकाण का निवडले, याचा तपास सुरू आहे. हे कुटुंब कथा ऐकल्यानंतर आत्महत्या करण्याचा विचार करत होते, की हा निर्णय अचानक घेतला गेला, हे अद्याप स्पष्ट झालेले नाही. ज्या ठिकाणी कार उभी होती, तिथे त्यांचे कोणी ओळखीचे होते की नाही, याचीही चौकशी केली जात आहे.मिळालेल्या माहितीनुसार, प्रवीण मित्तल यांच्यावर काही वर्षांपासून खूप कर्ज होते. डेहराडूनमध्ये त्यांनी टूर अँड ट्रॅव्हल्सचा व्यवसाय सुरू केला, पण तो व्यवस्थित चालला नाही. त्यानंतर, कुटुंब कर्जाच्या ओझ्याखाली दबले गेले आणि घर चालवणेही कठीण झाले.पोलिसांनी सांगितले की, फॉरेन्सिक टीमने घटनास्थळावरून पुरावे जमा केले आहेत आणि कुटुंबियांनी हे पाऊल का उचलले आणि पंचकुलामध्ये आत्महत्येसाठी हे ठिकाण का निवडले, याचा तपास करत आहेत.