लेक घरातून पळाली; आई-वडील, लहान मुलगी तलावावर गेले… हसत्या-खेळत्या कुटुंबाने नको तेच केलं.

मोठी मुलगी घरातून पळून गेली होती. त्यामुळे हे कुटुंब खूप निराश झालं होतं. त्यातून त्यांनी आपल्या आयुष्याची अखेर करण्याचा निर्णय घेतला. संपूर्ण कुटुंब संपलं पण तरी ती मुलगी कुटुंबाच्या अंत्यसंस्कारालाही आली नाही.एकाच कुटुंबातील तिघांनी आपल्या आयुष्याची अखेर केल्याची धक्कादायक घटना घडली आहे. कर्नाटकच्या म्हैसूर जिल्ह्यातील एच.डी. कोटे तालुक्यात ही घटना घडल्याची माहिती आहे. बुदनूर गावात एकाच कुटुंबातील तीन सदस्यांनी आपलं आयुष्य संपवलं आहे. मोठी मुलगी घरातून पळून गेल्याने आपली समाजात बदनामी होईल असं कुटुंबाला वाटत होतं. त्यामुळे त्यांनी हे टोकाचे पाऊल उचलल्याची माहिती आहे.महादेव स्वामी (वय 55), मंजुला (वय 45) आणि त्यांची लहान मुलगी हर्षिता अशी मृतांची नावं असल्याची माहिती आहे. या तिघांनी बुदनूरच्या तलावात उडी घेत आपला जीव दिला. त्यांची मोठी मुलगी घरातून पळून गेल्याने हे कुटुंब तणावात होते, असं सांगितलं जात आहे.शनिवारी (24 मे) सकाळी हे तिघेजण दुचाकीवरून तलावाजवळ आले. त्यांनी दुचाकी तिथेच उभी केली. चपला काढल्या आणि एक पत्र लिहिलं. त्यानंतर त्यांनी तलावात उडी घेतली.

काही स्थानिक लोकांनी रस्त्यात बेवारस दुचाकी बघितली. ती कोणाची आहे हे त्यांना कळेना. त्यांनी लगेच एच. डी. कोटे पोलीस स्टेशनला माहिती दिली. पोलिसांनी आणि अग्निशमन दलाच्या जवानांनी घटनास्थळी धाव घेतली. त्यांनी तिन्ही मृतदेह तलावातून बाहेर काढले आणि शवविच्छेदनासाठी मृतदेह एच. डी. कोटे शवगृहात पाठवले.शवविच्छेदनानंतर गावात तिघांवरही अंत्यसंस्कार करण्यात आले. यावेळी संपूर्ण गाव शोकाकुल झाले होते. घरातून पळून गेलेली मोठी मुलगी अंत्यसंस्कारालाही आली नाही.मिळालेल्या माहितीनुसार, बुदनूर गावात राहणारे महादेव स्वामी यांची मोठी मुलगी एका मुलावर प्रेम करत होती. तिला त्याच्याशी लग्न करायचे होते. पण, घरच्यांना हे मान्य नव्हते. त्यामुळे ती प्रियकरासोबत पळून गेली होती.मृत्यू आधी त्यांनी एक पत्र लिहिलं होतं. त्यात त्यांनी हे टोकाचं पाऊल उचलण्याचं कारणंही सांगितलं आहे. “आमच्या मृत्यूला आम्हीच जबाबदार आहोत, आमच्या मृत्यूनंतर मोठ्या मुलीला कोणतीही संपत्ती किंवा पैसा देऊ नये. तिने आम्हाला धोका दिला आहे. आमच्यासारखी परिस्थिती जगात कोणावरही येऊ नये. आम्ही हे पाऊल बदनामीच्या भीतीने उचलत आहोत”, असं त्यांनी लिहिलं आहे. सध्या एच.डी. कोटे पोलिसांनी मृत्यूचा गुन्हा दाखल केला आहे. ते या प्रकरणाची चौकशी करत आहेत.पोलिसांनी दिलेल्या माहितीनुसार, महादेव स्वामींच्या मोठ्या मुलीनं घर सोडल्यामुळे ते खूप दुःखी होते. समाजात आपली बदनामी होईल, असं त्यांना वाटत होतं. त्यामुळे त्यांनी पत्नी आणि लहान मुलीसोबत जीव देण्याचा करण्याचा निर्णय घेतला. गावातील लोक सांगितलं की, महादेव स्वामींचं कुटुंब हे आनंदी कुटुंब होतं. पण, त्यांची मुलगी पळून गेल्यापासून ते खूप निराश झाले होते. या घटनेमुळे संपूर्ण गावात शोककळा पसरली आहे.