आजोबाशेजारी झोपलेली नात सकाळी गायब, गावभर शोधली अन् घराच्या शेजारीच… सोलापूरमध्ये खळबळ.

सोलापूरच्या कुसूरमध्ये एका धक्कादायक घटनेत, जन्मदात्या बापानेच आपल्या आठ वर्षांच्या मुलीचा गळा आवळून खून केला. नराधमाने हे कृत्य करून, मुलीला शेतात पुरले. या घटनेने परिसरात खळबळ उडाली आहे.दक्षिण सोलापूर तालुक्यातील कुसूर येथे जन्मदात्या बापानेच आठ वर्षाच्या मुलीचा गळा आवळून खून केल्याची धक्कादायक घटना घडली आहे. खून करून शेतातील वस्तीसमोरच पुरल्याचा प्रकार शुक्रवारी दुपारी उघडकीस आला. दरम्यान या मुलीची हत्या आहे की अन्य काही, हे शवविच्छेदन झाल्यानंतर कळणार आहे. दरम्यान मंद्रूप पोलिसांनी अकस्मात मयत म्हणून नोंद केली आहे. पोटच्या नऊ वर्षीय मुलीचा गळा दाबून खून केला आणि घराशेजारी खड्डा करून बापाने तिचे प्रेत पुरल्याने सोलापुरात खळबळ उडाली आहे. ही घटना दक्षिण सोलापूर तालुक्यातील कुसूर येथे गुरुवारी २३ मे रोजी मध्यरात्रीच्या दरम्यान घडली.पोटच्या मुलीला तिच्या वडिलांनी शेतातील वस्तीसमोर असलेल्या खड्ड्यात पुरल्याची माहिती पोलीस पाटील महानंदा पाटील यांना मिळाली. त्यांनी ही माहिती मंद्रुप पोलिसांना दिली. आरोपी बापाने स्वतः गळा दाबून हत्या केल्याची कबुली नातलगासमोर दिली आहे. ओगसिद्ध रेवणसिद्ध कोठे (३४) असे संशयित आरोपीचे नाव आहे. या घटनेने सोलापूरमध्ये खळबळ उडाली आहे.

कोठे कुटुंब शेतातील वस्तीवर राहते, ओगसिद्ध याला तीन मुली आणि एक मुलगा आहे. पत्नीला सिव्हिल हॉस्पिटलमध्ये उपचारासाठी दाखल करण्यात आले असून, एक मुलगा आणि दोन मुली गावातच आजोळी मुक्कामी गेल्या होत्या. मयत मुलगी आजोबा रेवणसिद्ध यांच्या जवळ झोपली होती. उशिराने ती दुसऱ्या खोलीत झोपलेल्या वडिलांकडे गेली. रात्री ओगसिद्धने तिचा गळा दाबून खून केला. घराशेजारील खड्डा खोदून तिला पुरून टाकले. सकाळी आजोबांनी नातीची चौकशी केली. त्यावरून हा धक्कादायक प्रकार उघडकीस आला.आजोबांनी आणि नातलगांनी मुलीचा गावात शोध घेतला. गावातील नातलग वस्तीवर जमले. घराशेजारी खड्ड्यातील माती, त्याकडे चिखलात गेलेली पावले पाहून संशय आला, नातलगांनी आणि ग्रामस्थांनी मंद्रूप पोलिसांना माहिती दिली आले. नातलगांनी विचारले असता वडिलांनी मी स्वतः रात्री तिचा गळा दाबून खून केल्याची कबुली दिली. वडिलांनी नातलगांसमोर दिलेली माहिती मंद्रुप पोलिसांना दिली.पोलिसांनी खड्डा उकरून मृतदेह बाहेर काढला आणि शवविच्छेदनासाठी शासकीय रुग्णालयाकडे पाठवला. शवविच्छेदन अहवालानंतर खरी माहिती समोर येईल.शुक्रवारी दुपारी नायब तहसीलदार जितेंद्र मोरे, वैद्यकीय अधिकारी डॉ. ऋषभ कांबळे, पंचाच्या उपस्थितीत पुरलेला मृतदेह उकरून काढला. तेव्हा तिच्या अंगावर शाळेचा गणवेश होता. अंगाला पावसामुळे माती चिकटलेली होती. नातेवाईकांनी ओळख पटवली. त्यानंतर मृतदेह विच्छेदनासाठी पाठवला आहे.ओगसिद्ध कोठे आणि वनिता कोठे यांना तीन मुली व एक मुलगा अशी चार अपत्य आहेत. ओगसिध्द हा भांडखोर असल्याने मुलांना घेऊन वनिता कुसूर येथील माहेरी सहा महिन्यापासून राहत होती. दोन दिवसांपूर्वी सोलापूरच्या रुग्णालयात तिच्यावर कुटुंब नियोजन शस्त्रक्रिया झाली. ती रुग्णालयात उपचार घेत आहे. पतीने पोटच्या मुलीला पुरल्याची तिला माहिती देण्यात आली नाही. त्यामुळे वनिताला अजूनही मुलीबद्दल काहीही माहिती नाही.