नवल किशोर राम पुणे महानगर पालिकेचे नवे आयुक्त, राज्यात 8 IAS अधिकाऱ्यांच्या बदल्या .

पुणे महापालिकेच्या आयुक्तपदी IAS नवल किशोर राम यांची नियुक्ती करण्यात आली आहे. विद्यमान आयुक्त राजेंद्र भोसले 31 मे रोजी सेवानिवृत्त होणार आहेत. त्यामुळे रिक्त होणाऱ्या आयुक्त पदावर IAS नवल किशोर राम यांची नियुक्ती करण्यात आली आहे.पुण्यातून मोठी बातमी समोर येत आहे. IAS नवल किशोर राम यांची पुणे महानगर पालिकेच्या आयुक्तपदी नियुक्ती करण्यात आली आहे. नवल किशोर राम 1 जून रोजी पदभार स्वीकारणार आहेत. महापालिकेचे विद्यमान आयुक्त राजेंद्र भोसले 31 मे रोजी सेवानिवृत्त होणार आहेत. त्यामुळे राजेंद्र भोसले यांच्या जागी नवल किशोर राम पदभार स्वीकारणार आहेत. नवल किशोर राम हे 2008 बॅचचे IAS अधिकारी आहेत. ते बिहारमधील चंपारण जिल्ह्यातील मूळ रहिवासी आहेत. त्यांनी नांदेड येथे आपल्या प्रशासकीय कारकिर्दीची सुरुवात केली आणि यवतमाळ जिल्हा परिषदेत CEO म्हणून काम केले. त्यानंतर बीड आणि औरंगाबाद जिल्हाधिकारी म्हणून त्यांनी कार्यभार सांभाळला.2018 मध्ये त्यांनी पुण्याचे जिल्हाधिकारी म्हणून पदभार स्वीकारला.

त्यांच्या कार्यकाळात त्यांनी कोरेगाव भीमा अभिवादन दिनाच्या कार्यक्रमाचे यशस्वी आयोजन केले आणि 2019 च्या महापुराच्या काळात आपत्ती व्यवस्थापनात महत्त्वपूर्ण भूमिका बजावली.पुण्यात कोविड-19 महामारीच्या काळात नवल किशोर राम यांनी जिल्हाधिकारी म्हणून प्रभावी उपाययोजना राबवल्या.त्यांच्या नेतृत्वाखाली पुणे, पिंपरी-चिंचवड आणि ग्रामीण भागात रुग्ण बरे होण्याचे प्रमाण सुमारे 64% होते, तर मृत्यूदर सुमारे 2.06% होता, जो राज्यातील इतर जिल्ह्यांच्या तुलनेत कमी होता.2020 मध्ये नवल किशोर राम यांची पंतप्रधान कार्यालयात उपसचिव म्हणून नियुक्ती करण्यात आली. या भूमिकेत त्यांनी केंद्र सरकारच्या धोरणांच्या अंमलबजावणीत महत्त्वपूर्ण योगदान दिले.,राज्यात आज 8 IAS अधिकाऱ्यांच्या बदल्या करण्यात आल्या आहेत. पुणे महापालिका आयुक्तपदी नवल किशोर राम यांची नियुक्ती करण्यात आली आहे.,IAS शीतल तेली उगले यांची पुणे क्रीड आणि युवक कल्याण विभागाच्या आयुक्तपदी नियुक्ती करण्यात आली आहे.,

धुळ्याचे विद्यमान जिल्हाधिकारी जितेंद्र पापळकर यांची छत्रपती संभाजीनगर विभाग आणि छत्रपती संभाजीनगरच्या विभागीय आयुक्तपदी नियुक्ती करण्यात आली आहे.,IAS सी.के. डांगे यांची मुंबईत मंत्रालय येथील सामान्य प्रशासन विभागातील मुख्य सचिव कार्यालयात सहसचिव म्हणून नियुक्ती करण्यात आली आहे.,अमरावतीचे जिल्हाधिकारी सौरभ कटियार यांची मुंबई उपनगराच्या जिल्हाधिकारी पदी नियुक्ती करण्यात आली आहे.,छत्रपती संभाजीनगर येथील सिडकोच्या नवीन टाउनशिच्या मुख्य प्रशासकीय अधिकारी IAS भाग्यश्री विसपुते यांची धुळे जिल्हाधिकारी पदी नियुक्ती करण्यात आली आहे.,पुणे अतिरिक्त सेटलमेंट आयुक्त आणि भूमी अभिलेखचे अतिरिक्त संचालक IAS आनंद भंडारी यांची अहिल्यानगर जिल्हा परिषदेच्या मुख्य कार्यकारी अधिकारी म्हणून नियुक्ती करण्यात आली आहे.,अहिल्यानगर जिल्हा परिषदेचे मुख्य कार्यकारी अधिकारी IAS आशिष येरेकर यांची अमरावतीच्या जिल्हाधिकारी पदी नियुक्ती करण्यात आली आहे.