बनाना शेकमधून विष, मुख्याध्यापिका निधी देशमुखने शिक्षक नवऱ्याचा काटा काढला, एका शर्टमुळे अडकली.

वर्षभरापूर्वी त्या दोघांनी प्रेमविवाह केला होता. त्यानंतर मात्र शंतनूला दारुचे व्यसन जडले. दारु पिण्यासाठी पैसे न दिल्यास मोबाईलमधील अश्लील छायाचित्र आणि व्हिडिओ व्हायरल करण्याची धमकी तो द्यायचाप्रेमविवाह झालेल्या शिक्षिकेनेच तिच्या पतीला बनाना शेकमधून विष दिले. त्याचा जीव गेल्यानंतर ट्युशनला येणाऱ्या दोन अल्पवयीन विद्यार्थ्यांची मदत घेत महिलेने शहरालगतच्या चौसाळा येथील जंगलात त्याचा मृतदेह फेकला. शिवाय दुसऱ्या दिवशी पुन्हा तिथे जाऊन पेट्रोल ओतून पेटवून दिले. ही बाब समोर येताच स्थानिक गुन्हे शाखा पोलिस पथकाने आरोपी शिक्षिकेला अटक केली आहे, तर दोन अल्पवयीन विद्यार्थ्यांना ताब्यात घेतले आहे.शंतनू अरविंद देशमुख (32) असे खून झालेल्या तरुणाचे नाव आहे. तर निधी शंतनू देशमुख (24) असे आरोपी पत्नीचे नाव आहे. आरोपी निधीही सनराईज इंग्लिश मिडीयम स्कूलमध्ये मुख्याध्यापिका, तर शंतनू हा तिथे शिक्षक होता.

वर्षभरापूर्वी त्या दोघांनी प्रेमविवाह केला होता. त्यानंतर मात्र शंतनूला दारुचे व्यसन जडले. दारु पिण्यासाठी पैसे न दिल्यास मोबाईलमधील अश्लील छायाचित्र आणि व्हिडिओ व्हायरल करण्याची धमकी तो द्यायचा, तसेच मारहाणही करायचा, असे निधीने सांगितले. नेहमीच्या या त्रासाला निधी पुरती त्रासून गेली होती. त्यातूनच तिने शंतनूचा काटा कायमचा काढण्याचं ठरवलं.रात्री शंतनू मद्यधुंद अवस्थेत घरी येताच निधीने त्याला बनाना शेकमध्ये विष मिसळून दिलं. ते पिताच शंतनू काही क्षणातच जागीच मृत्युमुखी पडला. त्यानंतर तिने ही बाब शिकवणीला येणाऱ्या दोन विद्यार्थ्यांना सांगितली. तसेच त्यांना भावनिक करुन मृतदेहाची विल्हेवाट लावण्यास सांगितले.दोन विधीसंघर्षग्रस्त विद्यार्थ्यांनी दुचाकीने शंतनूचा मृतदेह चौसाळा येथील जंगलात नेऊन फेकून दिला. त्यानंतरही निधीला एक भीती सतावत होती, की त्याची ओळख पटली, तर आपण पोलिसांच्या हाती लागू. त्यातूनच तिने दुसऱ्या दिवशी विद्यार्थ्यांसह चौसाळा जंगल गाठून मृतदेहावर पेट्रोल ओतून पेटवून दिलं.तिथून परत आल्यावर काही न झाल्यासारख्या अविर्भावात ती राहू लागली. 15 मे रोजी सकाळी चौसाळा परिसरात मृतदेह जळालेल्या अवस्थेत आढळून आला. मात्र मृताची ओळख पटत नव्हती. शंतनू मिसिंग असल्याची तक्रारही पोलिसात दाखल नव्हती. पोलिसांनी गोपनीय माहिती गोळा केली. त्यामध्ये ज्या मित्रांबरोबर खुनाच्या आदल्या दिवशी तो दारू प्यायला होता, त्यांच्याकडे त्या दिवशीचा त्याचा व्हिडीओ होता. शिवाय घटनास्थळावर त्याच्या शर्टच्या कापडाचे तुकडे आणि व्हिडिओतील शर्ट एकच असल्याने तो शंतनूच असल्याचे स्पष्ट झाले.त्यानंतर पोलिसांनी आरोपी निधीसह तिच्या भावाला ताब्यात घेत दोघांची कसून चौकशी केली. भावाचा दोष नसताना तो यात गोवला जाईल, या भीतीने तिने गुन्ह्याची कबुली दिली. पोलिसांपुढे घटनाक्रम उलगडून दाखवला तसेच मदत करणाऱ्या विद्यार्थ्यांची नावेही स्पष्ट केली. त्यावरून त्या विद्यार्थ्यांना ताब्यात घेत पोलिसांनी आरोपी निधीला अटक केली.