जरा थांबवा बाजूला… नवऱ्याच्या बाईकवरुन उतरली अन् 20 वर्षीय विवाहितेने थेट विहीर जवळ केली!

नवऱ्याच्या दुचाकीवरून उतरून बायकोने विहिरीकडे धाव घेतली. त्यानंतर विहिरीत उडी घेऊन तिने आत्महत्या केली.दुचाकीस्वार पती-पत्नी बाहेर जाण्यासाठी निघाले. गावाच्या बाहेर गेल्यानंतर विरावली गावाजवळ पत्नीने पतीला दुचाकी थांबवायला सांगितली आणि तिने जवळच असलेल्या विहिरीत उडी घेत आत्महत्या केली. जळगाव जिल्ह्यात ही धक्कादायक घटना घडल्याचे समोर आले आहे, मात्र पत्नीच्या माहेरच्या मंडळींनी पतीनेच तिला विहिरीत ढकलून दिल्याचा आरोप केला आहेजळगाव जिल्ह्यातील महेलखेडी येथील मुस्कान अल्ताफ तडवी, वय 20 वर्ष, ही दुचाकीने पती अल्ताफ रहमान तडवी, राहणार महेलखेडी, याच्यासोबत दुचाकीवर जात होती. दरम्यान विरवली गावाजवळ शेत गट क्रमांक 57 येथे तिने पतीला दुचाकी थांबवण्यास सांगितले.दुचाकीवरून उतरून तिने विहिरीकडे धाव घेतली. त्यानंतर विहिरीत उडी घेऊन तिने आत्महत्या केली. पती अल्ताफ तडवी यांनी आरडाओरडा केला, नागरिकांनी धाव घेत महिलेला विहिरीतून बाहेर काढले. महिलेला वर काढल्यानंतर ग्रामीण रुग्णालयात आणले असता डॉक्टरांनी तिला मृत घोषित केले.

या प्रकरणी यावल पोलीस ठाण्यात अकस्मात मृत्यूची नोंद करण्यात आली आहे. अवघ्या विसाव्या वर्षी विवाहित महिलेने नेमकी आत्महत्या का केली असावी हे मात्र कारण अद्याप स्पष्ट झालेले नाहीपतीने तिला विहिरीत ढकलून दिल्याचा आरोप माहेरच्या लोकांनी केला आहे. या घटनेचा तपास डीवायएसपी कृष्णात पिंगळे पोलीस निरीक्षक प्रदीप ठाकूर यांच्या मार्गदर्शनाखाली पोलीस उपनिरीक्षक पाराजी वाघमोडे करीत आहेत.दुसरीकडे, मद्यधुंद युवक त्रास देत असल्याने त्याची तिघांनी दगडाने ठेचून हत्या केली. नंतर स्वत: राजापेठ पोलिस ठाण्यात जावून हत्येची कबुली दिल्याची घटना मंगळवारी घडली. खोलापुरी गेट पोलिस ठाण्याच्या हद्दीतील भातकुली मार्गावर एका २० ते २२ वषींय युवकाचा मृतदेह एका शेतात आढळून आला. घटनेची माहिती मिळताच पोलिस घटनास्थळी दाखल झाले. त्यांनी मृतदेह ताब्यात घेऊन शवविच्छेदनासाठी पाठविला. मृताची ओळख पटविली जात असतानाच तो राजापेठ ठाण्याच्या हद्दीतील झेंडा चौकातील रहिवासी असल्याची प्राथमिक माहिती पोलिसांना मिळाली.दरम्यान, सागर अडायके, विकी सरकटे आणि निलेश सावरकर यांनी पोलिस ठाण्यात आत्मसमर्पण करून भातकुली मार्गावर एका युवकाच्या हत्येची कबुली दिली. मात्र त्याला ओळखत नसल्याचेही सांगितले. यानंतर पोलिसांनी तिघांनाही अटक केली. या प्रकरणात आणखी दोन युवक फरार असून पोलिस शोध घेत आहेत.