मुसळधार पावसाचा कहर, पुणेकरांच्या जीवाला घोर; प्रशासनाचा विकासकामांचा दावा ठरला फोल.

पुण्यात मुसळधार पावसामुळे पुणेकरांची धांदल उडाली आहे. येथे शहरात अनेक ठिकाणी पाणी तुंबल्याने नागरिकांना मोठा मनस्ताप सहन करावा लागला.शहराच्या चारही दिशांना मंगळवारी सायंकाळनंतर सुरू झालेल्या मुसळधार पावसाने सगळ्यांची दाणादाण उड़वून घरी परतणाऱ्या चाकरमान्यांची धांदल उडवली. हिंजवडी, बाणेर, बावधन परिसरांना पावसाने सर्वाधिक झोड़पले. सिंहगड़ रस्ता, सातारा रस्ता, आंबेगाव (मुंबई-बेंगळुरू महामार्ग) येथे वाहनांच्या रांगा लागल्या, काही ठिकाणी पावसाच्या पाण्यात दुचाकी वाहून गेल्या, वादळामुळे ३० ठिकाणी झाडे पडली, तर धनकवडी परिसरात सीमा भिंत कोसळली. महापालिकेच्या पावसाळापूर्व विकासकामांचे तीन तेरा वाजल्याचे चित्र शहरात दिसले.शहरात मंगळवारी (20 मे) दुपारी चारच्या सुमारास सोसाट्याचा वारा वाहण्यास सुरुवात झाली होती, त्यानंतर अवध्या अर्ध्या तासात पाऊस पडण्यास सुरुवात झाली. शहराच्या चारही दिशांना पाऊस कोसळला.

हिंजवडी परिसरात सर्वाधिक पाऊस पडल्यामुळे रस्त्यावर सगळीकडेच गुडमाभर पाणी वाहत होते. सायंकाळची वेळ असल्याने हिंजवडीतील आयटी इंजिनीअर्स मोठ्या संख्येने घरी जाण्यासाली बाहेर पडले होते. त्यामुळे मुंबई- बेंगळुरू महामार्गावर हिंजवडीपासून आंबेगावपर्यंत वाहनांच्या रांगा लागल्या होत्या. सर्व्हिस लेनवरूनही पाणी वाहत असल्याने वाहतुकीस अडथळे येत होते.येरवडा, विश्रांतवाडी, धानोरी, लोहगाव आणि नगर रस्ता परिसराला मंगळवारी मुसळधार पावसाने चांगलेच झोडपून काढले. नगर महामार्गाचर अनेक ठिकाणी दोन फुटापर्यत पाणी साचल्याने नदीचे स्वरूप आले होते. येरवडा, वडगाव शेरी, धानोरी, चंदननगर, विश्रांतवाडी, कळस भागांतील अनेक घरांत पावसाचे पाणी शिरल्याच्या घटना घडल्या.

हिंजवडी, चाणेर, बावधन, गुंजन चौक, मित्रमंडळ चौक, सुखसागरनगर,बिबवेवाडी, कात्रज चौक, वारजे रस्ता, गांधी भवन, कोथरुड, बाणेर-बावधन, लोहगाव विमानतळाचं नवं टर्मिनलसमोर.शहरात पावसाचा जोर वाढल्यानंतर येणाऱ्या तक्रारींचे निरसन करण्यासाठी महापलिकेचे अधिकारी, कर्मचारी पावसात प्रत्येक ठिकाणी पोहोचत होते, पावसाचे पाणी वाहून नेणाऱ्या वाहिन्या तुंबणार नाहीत, यासाठी पुरेशी खबरदारी घेण्यात येत होती. मांगीरबाबा चौकात मोठा खड्डा पडल्याने तेथे बॅरिकेडिंग करण्यात आले होते. धानोरी (लक्ष्मीनगर), लुल्लानगर चौकातील साचलेल्या पाण्याचा निचरा करण्यात आला.