मोरे बापलेकाचा तीन महिन्यापूर्वीही अपघातात, कुटुंब सावरतं, तोच काळाचा पुन्हा घाला, सहा जणांचा मृत्यू.

रविवारी रात्री उशिरा मिरा रोड येथील इंद्रप्रस्थ सोसायटीतून मोरे कुटुंबाला पिकअप केले. विवेक मोरे हे खाजगी क्षेत्रात नोकरी करतात. ते अपघातात बचावले, पण त्यांचा कॉलेजवयीन मुलगा निहार आणि त्यांची पत्नी मिताली यांचा जागीच मृत्यू झाला. मुंबई-गोवा महामार्गावर सोमवारी सकाळी घडलेल्या दुःखद घटनेत पराडकर कुटुंबातील तिघांचा मृत्यू झाला. पुलावरून गाडी 100 फूट खाली कोसळल्यामुळे एकूण सहा जणांना प्राण गमवावे लागले. हे सर्वजण रत्नागिरी जिल्ह्यातील देवरुख या गावी वडिलांच्या अंत्यविधीसाठी निघाले होते.
मिरा रोडच्या मोरे कुटुंबातील मायलेक अपघातात मृत्युमुखी पडले. तसेच, नालासोपारा येथील पराडकर कुटुंबातील आई वडील आणि मुलगा अशा तिघा जणांचाही मृत्यू झाला. जोगेश्वरी येथील त्यांचे नातेवाईक श्रेयस सावंत यांचाही अपघातात जीव गेला. या दुर्घटनेत विवेक मोरे हे बचावले आहेत.

नालासोपारा पश्चिमेकडील रमेश सोसायटीमधील पराडकर वाहतूक व्यवसाय करत होते. सोसायटीतील एका सदस्याने सांगितले की, त्यांनी रविवारी रात्री उशिरा मिरा रोड येथील इंद्रप्रस्थ सोसायटीतून मोरे कुटुंबाला पिकअप केले. विवेक मोरे हे खाजगी क्षेत्रात नोकरी करतात.ते अपघातात बचावले, पण त्यांचा कॉलेजवयीन मुलगा निहार आणि त्यांची पत्नी मिताली यांचा जागीच मृत्यू झाला.अपघातावेळी परमेश पराडकर गाडी चालवत होते. एका स्थानिक रुग्णालयात उपचार घेत असताना त्यांचा मृत्यू झाला. त्यांची पत्नी मेघा आणि मुलगा सौरव यांचाही अपघातात मृत्यू झाला. त्यांचे नातेवाईक श्रेयस एका खाजगी बँकेत काम करत होते. त्यांचाही घटनास्थळीच मृत्यू झाला. पोलिसांनी पोस्टमार्टम केल्यानंतर शववाहिन्यांद्वारे त्यांचे मृतदेह घरी नेण्यात आले.मिरा रोडमधील इंद्रप्रस्थ सोसायटीतील सदस्यांनी सांगितले की, मोरे कुटुंब ‘सर्वांना आदराने वागणारे’ होते.

त्यांचा मुलगा निहार बीसीएच्या शेवटच्या वर्षाला होता. एका रहिवाशाने सांगितले की, तीन महिन्यांपूर्वी वडील आणि मुलगा एका लहान अपघातातून बचावले होते. डॉक्टरांनी त्यांना विश्रांती घेण्याचा सल्ला दिला होता. “आम्ही सगळे खूप धक्क्यात आहोत आणि दुःखी आहोत. त्याचबरोबर या पुलावर याआधीही असे अपघात झाले आहेत, हे ऐकून आम्हाला आणखी धक्का बसला,” असे एका शेजाऱ्याने सांगितले. इतर शेजारी विवेक यांच्या पाठीशी खंबीरपणे उभे आहेत.पराडकर यांच्या शेजाऱ्यांनी सांगितले की, हे कुटुंब नेहमी सोसायटीच्या कार्यक्रमांमध्ये सक्रिय सहभाग घेत असे आणि इतरांनाही मदत करत असे. “ही आमच्यासाठी खूप मोठी शोकांतिका आहे,” असे एका शेजाऱ्याने म्हटले.