IPLमध्ये मोठा राडा, तेच मैदान फक्त आता अभिषेक शर्मा आणि दिग्वेश राठी भिडले, मैदानात नेमकं काय झालं.

आयपीएल २०२५ च्या सनरायझर्स हैदराबाद विरुद्ध लखनऊ सुपर जायंट्स सामन्यात अभिषेक शर्मा आणि दिग्वेश राठी यांच्यात जोरदार खडाजंगी झाली. राठीच्या आक्रमक सेलिब्रेशनमुळे वाद सुरू झाला, पंचांनी मध्यस्थी करत दोघांना शांत केले. अभिषेकने १८ चेंडूत अर्धशतक ठोकले, तर लखनौने २० षटकांत २०५ धावा केल्या. प्रत्युत्तरात हैदराबादने क्लासेन आणि अभिषेकच्या शानदार खेळीमुळे विजय मिळवला.आयपीएल 2025 मधील 61 वा सामना सनरायझर्स हैदराबाद आणि लखनऊ सुपर जायंट्स यांच्यात पार पडला. या सामन्यामध्ये मोठा राडा पाहायला मिळाला. तेच मैदान ज्या ठिकाणी विराट कोहली, गौतम गंभीर आणि अफगाणिस्तानचा नवीन उल हे एकमेकांना भिडले होते. तर यंदाच्या वर्षी याच मैदानावर हैदराबादचा अभिषेक शर्मा आणि दिग्वेश राठी यांच्यात खडाजंगी उडालेली पाहायला मिळाली. एकंदरीत दोघांमधील वाद पाहता मैदानावरील वातावरण एकदम तापलेलं होतं. मैदानावर दोघेही एकमेकांना भिडू लागले होते. त्यावेळी पंचांनी मध्यस्थी करत दोघांना दूर केलं पण नेमकं मैदानावर नेमकं काय घडलं होतं जाणून घ्या.यंदाच्या मोसमामध्ये दिग्वेश राठी आपल्या खास सेलिब्रेशन मुळे कायम चर्चेत राहिला. अनेक सामन्यांमध्ये त्याला या सेलिब्रेशनमुळे दंड भराव लागला. पण तो मात्र काही सुधारला नाही, कालच्याही सामन्यात तेच घडलं.

अभिषेक शर्मा एकदम स्फोटक फलंदाजी करत होता. अभिषेकने अवघ्या 18 चेंडूत अर्धशतक करत लखनौच्या गोलंदाजांना घाम फोडला होता. सामन्याच्या ८ व्या ओव्हरमध्ये राडा झाला. अभिषेक शर्मा याने टीमला सुरुवातीला बसलेल्या झटक्यानंतर ईशान किशन याच्यासोबत एकटा मोर्चा आपल्या हातात घेतला होता. अभिषेक शर्मा याने आऊट होण्याआधी रवी बिश्नोईला सलग चार षटकार मारले होते.अभिषेक त्याच्या फॉर्ममध्ये दिसत होता मात्र दिग्वेश राठी यांच्या फिरकीमध्ये फसला. तो मोठा फटका मारण्याचा प्रयत्न चेंडू उंच उडाला पण शार्दुल ठाकूरने अप्रतिम कॅच घेत त्याला आउट केलं. या आपल्या खराबशॉट मुळे अभिषेकही निराश झालेला होता. अभिषेकची विकेट घेतल्यावर दिग्वेश राठी आपल्या सिग्नेचर स्टाईल मध्ये आनंद साजरा करत होता. अभिषेक शर्मा त्यावेळी हा माघारी जात होता, त्यावेळी राठी हा त्याला खुन्नस देत होता. अभिषेक मध्येच थांबला आणि त्याच्याकडे पाहू लागला, दोघेही एकमेकांकडे काहीतरी इशारे करून तोंडातल्या तोंडात बोलू लागले. दोन्ही खेळाडू समोरासमोर आले तेव्हा काहीतरी मोठा वाद होणार असं दिसताच पंचांनी मध्यस्थी करत दोघांना शांत करत बाजूला केलं.

या सामन्यात लखनौ संघाने प्रथम फलंदाजी करताना २० ओव्हर मध्ये २०५-७ धावा केल्या होत्या. यामध्ये मार्श आणि मार्क्रम यांनी पहिल्या विकेटसाठी 115 धावांची भागीदारी केली होती. त्यामुळे लखनऊ मोठा स्कोर करणार असं सर्वांना वाटत होतं. परंतु मार्कम ६१ धावा, मार्श ६५ धाव आणि निकोलस पूरनच्या ४५ धावा सोडल्या तर इतर कोणालाही मोठी खेळी करता आली नाही. लखनौऊच्या २०६ धावांचा पाठलाग करताना अभिषेक शर्माने २० चेंडूतच ५९ धावांची दमदार खेळी पारडे आपल्या बाजून केले होते. आपल्या खेळीत अभिषेकने ६ षटकार तर ४ चौकारांची बरसात केली. ईशान किशनने ही २८ चेंडूत ३५ धावा केल्या तर क्लासेनने २८ बॉलमध्ये ४७ धावा करत सामना संघाला विजयाच्या उंबरठ्यावर नेऊन पोहोचवले.