पंधरा दिवसांपूर्वी पतीचं निधन, तेरावं आटपून पत्नी मुलांसह निघाली, पण नियती निष्ठुर, भरधाव कारने मुलाला आईसमोरच चिरडलं.

जिल्हातील सिंदेवाही तालुक्यात येणाऱ्या पळसगाव जाट येथील साईनाथ लांजेकर यांचे पुण्यात पंधरा दिवसांपूर्वी निधन झाले होते. त्यांचा अंतिमसंस्कार गावात पार पडला. तेरावीचा कार्यक्रम गावात होता. त्यामुळे पत्नी रुपाली, शंतनू, अंश गावात होते.ज्याच्यासोबत सात जन्माच्या गाठी बांधल्यात त्याने पंधरा दिवसापूर्वीच जग सोडले. तिच्यावर आभाळा एवढं दुःख कोसळलं. या दुःखातून ती नखभर ही बाहेर पडली नव्हती. आणि पुन्हा तिच्यावर वेदनेचा हिमालय कोसळला. ज्या मुलाला तळ हाताच्या फोडासारखं जपलं, तो तिचा श्वास आणि जीव की प्राण होता. त्याचाच मृत्यू डोळ्यांसमोर बघण्याची दुदैवी वेळ एका आईवर ओढवली. पाण्याची बाटली घेऊन आईकडे निघालेल्या चिमुकल्याला कारने धडक दिली. यात त्याचा मृत्यू झाला. अंश लांजेकर असे मृत पावलेल्या चिमुकल्याचे नाव आहे.जिल्हातील सिंदेवाही तालुक्यात येणाऱ्या पळसगाव जाट येथील साईनाथ लांजेकर यांचे पुण्यात पंधरा दिवसांपूर्वी निधन झाले होते. त्यांचा अंतिमसंस्कार गावात पार पडला.

तेरावीचा कार्यक्रम गावात होता. त्यामुळे पत्नी रुपाली, शंतनू, अंश गावात होते. कार्यक्रम आटोपून ते पुण्याला जाण्यासाठी पळसगाव जाट येथील बसस्थानकावर आलेत. अंश हा पाण्याची बाटली घेण्यासाठी रस्ता ओलांडून दुकानात गेला. पाण्याची बाटली घेऊन तो परत आईकडे येत असताना कारने त्याला धडक दिली.या अपघातात तो गंभीर जखमी झाला. घटनेची माहिती पोलिसांना मिळताच त्यांनी घटनास्थळ गाठले. जखमी अंशला उपचारासाठी सिंदेवाही येथील ग्रामीण रुग्णालयात हलविण्यात आले. मात्र उपचारापूर्वीच अंशने जग सोडले. मृताच्या नातेवाईकांच्या तक्रारीवरून सिंदेवाही पोलिसांनी चालकाविरुद्ध गुन्हा नोंदविला आहे.

अधिक तपास उपविभागीय पोलिस अधिकारी ब्रह्मपुरी यांच्या मार्गदर्शनात पोलिस निरीक्षक विजय राठोड, उपनिरीक्षक सागर महल्ले, सिंदेवाही पोलिस कर्मचारी करीत आहेत.रुपाली लांजेकर या पती व दोन मुलांसह पुणे येथे वास्तव्यास होत्या. पती साईनाथ लांजेकर यांची प्रकृती बिघडल्याने काही दिवसांपूर्वी त्या पळसगाव जाट येथे आल्यात. पतीच्या मृत्यूने त्यांच्यावर दुःखाचे आभाळ कोसळले होते. यातून त्या बाहेर पडल्या नव्हत्या अशात मुलाचा मृत्यू झाला. या घटनेने त्यांच्यावर दुःखाचा डोंगर कोसळला आहे.