पाकिस्तानचा भारताला काॅपी करण्याचा धंदा सुरुच; अन्यथा सिंधू नदीमधून रक्ताचे पाट वाहतील म्हणणाऱ्या बिलावल भुट्टोंना जबाबदारी!

भारतीय शिष्टमंडळाची 7 गटांमध्ये विभागणी करण्यात आली आहे. प्रत्येक गटात एका खासदाराला नेता बनवण्यात आले आहे. प्रत्येक गटात 8 ते 9 सदस्य आहेत.भारताने जागतिक पातळीवर पाकिस्तानी दहशतवादाचा बुरखा फाडण्याचा निर्धार करत स्पेशल 7 टीम घोषित करताच आता पाकिस्तान सरकारने काॅपीचा धंदा सुरुच ठेवला आहे. आता भारताच्या निर्णयानंतर पाकिस्तानने सुद्धा परदेशात बाजू मांडण्याचा प्रयत्न सुरु केला आहे. भारतासोबतविरुद्धच्या तणावाबाबत पाकिस्तानचे माजी परराष्ट्र मंत्री बिलावल भुट्टो  जागतिक स्तरावर पाकिस्तानची बाजू मांडतील. पंतप्रधान शाहबाज शरीफ यांनी शनिवारी त्यांना ही जबाबदारी सोपवली. बिलावल यांनी एक्स पोस्ट करत सांगितले की शनिवारी सकाळी पंतप्रधानांनी त्यांच्याशी संपर्क साधला आणि आंतरराष्ट्रीय स्तरावर शांततेसाठी पाकिस्तानची बाजू मांडण्यासाठी शिष्टमंडळाचे नेतृत्व करण्याचे आवाहन केले.

बिलावल म्हणाले की ही जबाबदारी मिळाल्याबद्दल त्यांना सन्मानित वाटत आहे. ते म्हणाले की, एक रोडमॅप तयार आहे आणि आम्ही त्याचे अनुसरण करत आहोत. पुढचे पाऊल संवाद आहे आणि आम्ही त्यासाठी तयार आहोत. दार यांनी सांगितले की, अमेरिकेचे परराष्ट्र मंत्री मार्को रुबियो यांनी फोन करून सांगितले होते की भारत युद्धबंदीसाठी तयार आहे. “आम्ही सकारात्मक प्रतिसाद दिला, पण असेही सांगितले की जर भारताने पुन्हा हल्ला केला तर आम्ही प्रत्युत्तर देऊ. इशाक दार यांनी तुर्कीचे परराष्ट्र मंत्री हकन फिदान यांच्याशी फोनवर चर्चा केली आणि परस्पर संबंध मजबूत करण्यासाठी आणि प्रादेशिक शांतता आणि सुरक्षा वाढवण्यासाठी उपाययोजनांवर चर्चा केली.दरम्यान, पाकिस्तानचे राष्ट्रपती आसिफ अली झरदारी शनिवारी गुजरानवाला छावणीला भेटले आणि त्यांनी पाकिस्तानी सैनिकांची भेट घेतली आणि त्यांचे कौतुक केले. पाकिस्तानी लष्कराच्या म्हणण्यानुसार, गृहमंत्री मोहसिन नक्वी देखील यावेळी त्यांच्यासोबत होते.

राष्ट्रपतींचे स्वागत लष्करप्रमुख असीम मुनीर यांनी केले.शहबाज शरीफ यांनी शनिवारी इराणचे अध्यक्ष मसूद पेझेश्कियान यांच्याशी दूरध्वनीवरून चर्चा केली. यादरम्यान त्यांनी पाकिस्तान-भारत संघर्षात इराणच्या शांतता प्रयत्नांचे कौतुक केले. भारत आणि पाकिस्तानमधील तणाव वाढला तेव्हा इराणने दोन्ही देशांमध्ये मध्यस्थी करण्याची ऑफर दिली होती. याशिवाय, तुर्कीचे अध्यक्ष रेसेप तय्यीप एर्दोगान यांनी शनिवारी काश्मीर मुद्द्यावर शाहबाज यांची भेट घेतली. शरीफ यांच्याशी बोललो. एर्दोगान म्हणाले की ते शक्य ते सर्व करत आहेत.