पोलीस उपनिरीक्षकाच्या बहिणीला संपवलं, बालमित्रानेच काटा काढला, ४८ तासात घटनेचा उलगडा, काय घडलं.

२७ वर्षीय तरुणीची गळा चिरुन हत्या करण्यात आली होती. पुरावे नष्ट करण्यासाठी अरोपीने तीच्या तोंडात एलपीजी पाईप टाकून तीला जाळून टाकण्याचा प्रयत्न केला होता. या घटनेचा उलगडा करण्यात पोलिसांना यश आले आहे. या प्रकरणी पोलिसांनी एका तरुणाला अटक केली आहे.गुरुवारी १५ मे रोजी २७ वर्षीय तरुणीची गळा चिरुन हत्या करण्यात आली होती. पुरावे नष्ट करण्यासाठी अरोपीने तीच्या तोंडात एलपीजी पाईप टाकून तीला जाळून टाकण्याचा प्रयत्न केला होता. या घटनेचा उलगडा करण्यात पोलिसांना यश आले आहे. या प्रकरणी पोलिसांनी एका तरुणाला अटक केली आहे. धक्कादायक बाब म्हणजे आरोपी आणि तरुणी एकमेकांना बालपणापासून ओळखत होते.पाटणा येथे भाड्याच्या घरात रहात असलेल्या २७ वर्षीय संजना सिंह या तरुणीचा गळा चिरलेला मृतदेह आढळल्याची माहिती बिहार पोलिसांनी शुक्रवारी दिली. संजनाचा मृतदेह अर्धवट जळालेल्या स्थितीत होता.

तिच्यावर कात्रीने वार करून तिची हत्या करण्यात आली. पुरावे नष्ट करण्यासाठी तीच्या तोंडात एलपीजी पाईप टाकून तीला जाळण्याचा प्रयत्न करण्यात आला. पोलीस अधिकाऱ्यांनी सांगितले की, मृत संजना सिंह मुझफ्फरपूर जिल्ह्यातील रहिवासी होती आणि आरोपी तिला ओळखत होता. पाटणा सेंट्रलच्या एसपी स्वीटी सहरावत यांनी पत्रकारांना सांगितले की, ‘गुरुवारी संध्याकाळी आम्हाला माहिती मिळाली की श्री कृष्णपुरी परिसरातील एका अपार्टमेंटमध्ये एका महिलेचा मृतदेह पडला आहे’. पोलिसांना संजनाचा मृतदेह रक्ताच्या थारोळ्यात सापडला. तीच्या शरीराचा वरचा भाग जळाला होता. तिच्या शेजारी एलपीजी सिलेंडरही पडला होता.पोलिसांनी अपार्टमेंट ब्लॉकमधील सीसीटीव्ही फुटेज तपासले आणि त्यांना आढळले की सूरज कुमार नावाचा एक माणूस शेवटचा तिच्या घरी आला होता.

पोलीस अधिकाऱ्याने सांगितले की, ‘सूरज कुमारला ताब्यात घेण्यात आले आणि चौकशीदरम्यान, सूरजने कबूल केले की त्यानेच संजनाची हत्या केली आणि पुरावे लपवण्यासाठी त्याने तिच्या मृतदेहाच्या तोंडात एलपीजी पाईप टाकून तीला पेटवून दिली होती.’सहरावत म्हणाल्या की, आरोपीने पोलिसांना सांगितले की तो संजनाला लहानपणापासून ओळखतो आणि ते वारंवार भेटत असत. परंतु काही कारणावरून झालेल्या भांडणानंतर त्याने कात्रीने तिचा गळा कापला. त्याने एलपीजी सिलेंडरने तिचा मृतदेह जाळून पुरावा नष्ट करण्याचा प्रयत्न केला आणि नंतर पळून गेला, असे अधिकाऱ्याने सांगितले. या प्रकरणाचा अधिक तपास सुरू असल्याचे एसपींनी सांगितले.