लग्नाचं आमिष, नाशिक-डोंबिवलीत तीन लॉजमध्ये नेऊन अत्याचार, 25 वर्षीय विवाहितेच्या आरोपानंतर पोलिसावर गुन्हा.

सन 2020 ते 23 मे 2025 या कालावधीत संशयिताने पीडितेचा छळ करून बलात्कार केला. त्याने राणेनगर येथील कशिश लॉज, सातपूर येथील सिटाडेल, डोंबिवली रेल्वे स्थानकाजवळील लॉजमध्ये पीडितेवर अत्याचार केलेप्रेमसंबंध ठेवत लग्नाचे आमिष दाखवून वारंवार अत्याचार केले. त्यानंतर पीडितेसह तिच्या पतीला मारण्याची धमकी दिली. या प्रकरणी शहर पोलिस दलातील दंगल नियंत्रण पथकाच्या (आरसीपी) पोलिस कर्मचाऱ्याविरुद्ध इंदिरानगर पोलिसांत बलात्काराचा गुन्हा नोंदविण्यात आला आहे. आरोपीला इंदिरानगर पोलिसांनी ताब्यात घेतले असून, शुक्रवारी रात्री उशिरापर्यंत अटकेसंदर्भातील कायदेशीर कारवाई सुरू होती.इंदिरानगर पोलिसांनी दिलेल्या माहितीनुसार, पाथर्डी फाटा परिसरात राहणाऱ्या पंचवीस वर्षीय विवाहितेने फिर्याद दिली आहे. त्यानुसार शहर पोलिस आयुक्तालयातील दंगल नियंत्रण पथकात (आरसीपी) नेमणुकीस असलेल्या संशयित चंद्रकांत उर्फ अभी शंकर दळवी, वय 35 वर्ष, रा. केतकीनगर, म्हसरूळ, याच्याविरुद्ध बलात्काराचा गुन्हा नोंदवला आहे.

सन 2020 ते 23 मे 2025 या कालावधीत संशयिताने पीडितेचा छळ करून बलात्कार केला. त्याने राणेनगर येथील कशिश लॉज, सातपूर येथील सिटाडेल, डोंबिवली रेल्वे स्थानकाजवळील लॉजमध्ये पीडितेवर अत्याचार केले. या प्रकरणी पीडितेने 15 मे रोजी पोलिस ठाणे गाठून फिर्याद दिली.संशयिताने सन 2020 मध्ये पीडितेशी ओळख करून तिच्याशी कौटुंबिक संबंध निर्माण करून तिला प्रेमाच्या जाळ्यात ओढले. तिच्या इच्छेविरुद्ध वेगवेगळ्या ठिकाणी नेत शारीरिक संबंध ठेवले. 15 फेब्रुवारी 2024 रोजी पीडितेने दुसऱ्या व्यक्तिसोबत विवाह करून तिचा संसार व्यवस्थित सुरू असताना संशयिताने पीडितेसह तिच्या पतीचा अपघात करून जीवे मारण्याची धमकी दिली.

त्यानंतर पुन्हा पीडितेकडे शरीरसुखाची मागणी करून तिचा पाठलाग करीत बळजबरीने इच्छेविरुद्ध शरीरसंबंध ठेवल्याचे फिर्यादीत नमूद आहे.दुसरीकडे, स्वारगेट बलात्कार प्रकरणाचा खटला जलदगतीने चालविण्याची मागणी पुणे पोलिसांच्या गुन्हे शाखेने पुणे जिल्हा न्यायालयाकडे केली आहे. या संदर्भात गुन्हे शाखेकडून जिल्हा न्यायालय प्रशासनाला अधिकृत पत्र पाठविण्यात आले आहे.स्वारगेट आगारात शिवशाही बसमध्ये आरोपी दत्तात्रेय रामदास गाडे (वय 37, रा. गुनाट, ता. शिरूर) याने तरुणीवर दोन वेळा बलात्कार केल्याची घटना 25 फेब्रुवारी रोजी पहाटे साडेपाचच्या सुमारास घडली. या प्रकरणी आरोपीविरोधात स्वारगेट पोलिस ठाण्यात गुन्हा दाखल असून, 893 पानांचे आरोपपत्र दाखल करण्यात आले आहे. हा खटला अतिरिक्त सत्र न्यायाधीश एस. एन. सचदेव यांच्या न्यायालयात आहे.