पाकिस्तानच्या गोळीबारात LOC जवळील कुटुंबांचं मोठं नुकसान, भारतीय लष्कराकडून घरोघरी औषधं, रेशन देत मदत.

राज्यातील अनेक भागात हवामान विभागाकडून पावसाचा यलो आणि ऑरेंज अलर्ट देण्यात आला आहे. दुसरीकडे शिवसेना नेते आणि खासदार संजय राऊत यांच्या पुस्तकाचा प्रकाशन सोहळा आज पार पडणार आहे. देशात भारत – पाकिस्तान तणावादरम्यान जम्मू-काश्मीरमध्ये दहशतवाद्यांना कंठस्नान घालण्यात आलं. राज्यातील, तसंच देशभरातील सर्व अपडेट्स लाईव्ह ब्लॉगवर जाणून घ्या.

मुंबईसह राज्यातील अनेक भागात या आठवड्याच्या अखेरपासून ते पुढील आठवड्याच्या सुरुवातीपर्यंत मेघगर्जनेसह पावसाची शक्यता वर्तवली आहे. कोकण, मध्य महाराष्ट्रातील जिल्ह्यांना यलो अलर्ट तर विदर्भात ऑरेंज अलर्ट दिला आहे.दुसरीकडे राज्यात आगामी निवडणुकांवरुन विविध मुद्द्यांवरुन सत्ताधारी आणि विरोधकांकडून एकमेकांवर आरोप-प्रत्यारोप होताना दिसत आहेत. शिवाय शिवसेना खासदार संजय राऊत यांनी लिहिलेल्या नरकातला स्वर्ग या पुस्तकाचं प्रकाशन आज होणार आहे. दुसरीकडे देशात पहलगाम हल्ल्यानंतर भारत-पाकिस्तानमधील युद्ध थांबलं असलं, तरी सीमेवर काही प्रमाणात तणावाची परिस्थिती आहे. भारतीय सैन्याने गुरुवारी-शुक्रवारी या दोन दिवसांत जम्मू-काश्मीरमधील विविध भागातून ६ दहशतवाद्यांचा खात्मा केला आहे.