चर्चा तर होणारच! बीडच्या अनुष्का-तनुष्काची कमाल, दहावीच्या परीक्षेत जुळ्या बहिणींना गुणही जुळेच.

आष्टी शहरातील दत्त मंदिर परिसरातील धीरज देशमुख यांच्या जुळ्या मुली अनुष्का व तनुष्का. या जुळ्या बहिणींना चक्क गुण पण सेम टू सेम म्हणजे 96 टक्के मार्क मिळाल्याने या जुळ्या बहिणींची व मार्कांची खूपच चर्चा होत आहे.महाराष्ट्र राज्य माध्यमिक आणि उच्च माध्यमिक शालांत परिक्षा म्हणजेच दहावी बोर्डाचा निकाल नुकताच जाहीर झाला. यंदाही बोर्डाच्या परिक्षेत मुलींनीच बाजी मारली. या परिक्षेत काहींनी उज्ज्वल यश मिळवले तर कोणाची नौका जेमतेम काठावर पोहोचली. कुठे आजीने नातवासोबतच दहावीची परिक्षा देऊन मॅट्रिक पास केली तर कुठे ‘काँग्रेस’ केवळ दोन विषयात उत्तीर्ण झाला. या सगळ्यात सध्या चर्चा होतेय ती बीडच्या जुळ्या बहिणींची. ज्यांना दहावीच्या परिक्षेतही सेम टू सेम टक्के मिळाले.

आष्टी शहरातील दत्त मंदिर परिसरातील धीरज देशमुख यांच्या जुळ्या मुली अनुष्का व तनुष्का. या जुळ्या बहिणींना चक्क गुण पण सेम टू सेम म्हणजे 96 टक्के मार्क मिळाल्याने या जुळ्या बहिणींची व मार्कांची खूपच चर्चा होत आहे. दोघी बहिणींना सायन्स या विषयामध्ये देखील सेम गुण मिळाले आहेत. आष्टी येथील जिल्हा परिषद कन्या शाळेमध्ये दोघी बहिणींनी शिक्षण घेतले. खाजगी शिकवणी नसताना देखील दोघी बहिणींनी कन्या शाळेमध्ये शिकून चांगले गुण मिळवले.दुसरीकडे, नंदुरबार जिल्ह्यात दहावीचा निकाल जाहीर झाला. जिल्ह्यात ८८.१९ टक्के विद्यार्थी उत्तीर्ण झाले. नवागावच्या आश्रम शाळेतील ‘काँग्रेस’ नावाचा विद्यार्थी मात्र नापास झाला. त्याला चार विषयात अपयश आले. विशेष म्हणजे, नंदुरबार एकेकाळी काँग्रेसचा बालेकिल्ला होता.

त्यामुळे मुलाचे नाव ‘काँग्रेस’ ठेवण्यात आले होते. शाळेचा निकाल ९४ टक्के लागला आहे. शहादा तालुक्यातील नवागाव येथील कै. ए. एम. सोनवणे अनुदानित आश्रम शाळेचा निकाल 94 टक्के इतका लागला आहे. या शाळेत काँग्रेस लाडका वास्कले हा विद्यार्थी शिकत होता. दहावीची परीक्षा दिल्यानंतर तो नापास झाला. दहावीच्या निकालात काँग्रेस नापास झाला आहे, तब्बल चार विषयात नापास झाल्याने काँग्रेसच्या पदरी निराशा पडली आहे. हिंदी आणि विज्ञान विषयात उत्तीर्ण झालेल्या काँग्रेसला मात्र, उर्वरित चार विषयांमध्ये अपयश आले आहे.