खोलीत कोंदट वास, मोलकरणीला संशय, आत पाहताच धक्का बसला, पोलीस उपनिरीक्षकाच्या बहिणीसोबत काय घडलं?

एका २७ वर्षीय तरुणीला संपवल्याची दुर्दैवी घटना घडली आहे. अज्ञात व्यक्तीने तरुणीवर चाकूने वार करत नंतर स्वयंपाकघरातील गॅस पाईप तिच्या तोंडात टाकून आग लावली. याप्रकरणी पोलिसांनी तपास सुरू केला आहे.एका तरुणीसोबत गुरुवारी रात्री भयंकर घटना घडली. तरुणीवर चाकूचे वार करण्यात आले. त्यानंतर स्वयंपाक घरातील गॅस सिलेंडरचा पाईप तरुणीच्या तोंडात टाकून आग लावण्यात आली. तरुणीच्या अशा हत्येने परिसरात एकच खळबळ उडाली आहे.२७ वर्षीय तरुणी मागील सहा महिन्यांपासून भाड्याच्या घरात एकटीच राहत होती. हत्येच्या घटनेनंतर तरुणीचा मृतदेह अंथरुणावर आढळला. खोलीत आग लागली होती, खोलीतील लाईट्स बंद होत्या. घरात आगीची घटना घडूनही याबाबत कोणालाही आजूबाजूला काहीही माहिती नव्हती.हत्येच्या घटनेनंतर तरुणीच्या घरात काम करणारी महिला आली. तिला संशय आल्याने तिने खोलीतील लाईट्स लावल्या.

त्यावेळी तरुणी भयंकर अवस्थेत, रक्ताच्या थारोळ्यात अंथरुणात मृतावस्थेत आढळली. काम करणाऱ्या महिलेने जोरात आरडाओरड केल्यानंतर घराचे मालक आले. त्यानंतर संपूर्ण घटनेची माहिती पोलिसांत देण्यात आली. तरुणीचा मृतदेह शवविच्छेदन अहवालासाठी पाठवण्यात आला आहे. तसंच पोलीस सीसीटीव्ही आणि इतर माहितीच्या आधारे आरोपीचा शोध घेत आहेत.दरम्यान, तरुणी तीन बहीण-भावंडं आहेत. तरुणीचा एक भाऊ प्रशिक्षणार्थी उपनिरीक्षक आहे. तो ट्रेनिंग घेत आहे. तरुणी मूळची मुजफ्फरपूरची राहणारी होती. मात्र मागील सहा महिन्यांपासून ती पटणामध्ये भाड्याने राहत होती.मृत्यूआधी तरुणी सकाळी १० वाजता आपल्या आईशी बोलली होती. त्यानंतर पुन्हा कुटुंबियांनी तिला कॉल केला पण फोन बंद आला.

कुटुंबियांना ती काही कामात असेल किंवा फोनला चार्जिंग नसेल असं वाटलं आणि त्यांनी पुन्हा तिला कॉल केला नाही.आता हत्येनंतर पोलिसांनी तरुणीचा फोन ताब्यात घेतला आहे. तिने शेवटचा फोन कोणाला केला, तिच्या फोन कोणाच्या हाती लागला का? तिच्या खोलीत कोण आलेलं याचा तपास पोलीस करत आहेत.पोलिसांनी दिलेल्या प्राथमिक माहितीनुसार, तरुणीला खोलीत आलेल्या व्यक्तीकडून मारहाण झाली असावी. त्यात ती बेशुद्ध झाल्यानंतर तिला गॅस पाईप तोंडात टाकून आग लावण्यात आली असावी. या घटनेने संपूर्ण परिसरात एकच खळबळ उडाली आहे.