Rajendra Nikam
मृत सुरज हा मोलमजुरी करून उदरनिर्वाह चालवायचा. चार वर्षापासून संशयित इंदू साळवे ही त्याच्या संपर्कात होती. दि. 10 मे रोजी सुरज याने विवाहाच्या वर्षपूर्तीनिमित्त पत्नीसोबतचा फोटो व्हॉट्सअॅपवर अपलोड केला.विवाहाच्या वर्षपूतीनिमित्त तरुणाने पत्नीसोबत ठेवलेल्या ‘व्हॉट्सअॅप डीपी’मुळे (प्रोफाइल पिक्चर) मैत्रीण भडकली. त्यामुळे तिने भावासह नातलगांच्या मदतीने संबंधित तरुणाला मारहाण करीत त्याची हत्या केल्याचे उघड झाले आहे.नाशिक तालुका पोलिसांच्या हद्दीत विल्होळीत घडलेल्या हत्येप्रकरणी नाशिक शहर गुन्हे शाखा युनिट एकच्या पथकाने एका महिलेसह पुरुषाला अटक केली आहे. या दोन्ही संशयितांना नाशिक जिल्हा न्यायालयाने पोलिस कोठडी सुनावली आहे.तालुका पोलिसांनी दिलेल्या माहितीनुसार दि. 13 मे रोजी सकाळी विल्होळी शिवारातील जैन मंदिराजवळील मोकळ्या जागेत सुरज काशीनाथ घोरपडे (वय 39, रा. सातपूर) याचा मृतदेह आढळला होता. या प्रकरणी सुरजच्या भावाने दिलेल्या फिर्यादीवरून खुनाचा गुन्हा नोंदविण्यात आला.
%20गांधी%20यांचे%20निधन.){kind=link}
