धावत्या एसी बसला भीषण आग : ५ जण जिवंत जळाले !

महामार्गावर अनेक अपघाताच्या घटना उघडकीस येत असतांना आता गुरुवारी सकाळी लखनऊमध्ये एका चालत्या स्लीपर एसी बसला आग लागली. या अपघातात पाच प्रवाशांचा जळून मृत्यू झाला. मृतांमध्ये २ मुले, २ महिला आणि एका पुरुषाचा समावेश आहे. बसमध्ये सुमारे ८० प्रवासी होते. बस बिहारहून दिल्लीला जात होती.

मिळालेल्या माहितीनुसार, मोहनलालगंजजवळील आउटर रिंग रोड (किसान पथ) वर पहाटे ५ वाजता हा अपघात झाला. त्यावेळी बहुतेक प्रवासी झोपले होते. प्रवाशांनी सांगितले की, बस अचानक धुराने भरू लागली. लोकांना काहीच समजले नाही. काही मिनिटांतच आगीच्या जोरदार ज्वाळा उठू लागल्या.बसमध्ये पळापळ झाली. बस चालक आणि कंडक्टर जळत्या बस सोडून पळून गेले. ड्रायव्हरच्या सीटजवळ एक अतिरिक्त सीट होती. अशा परिस्थितीत प्रवाशांना उतरण्यास त्रास झाला.

अनेक प्रवासी अडकले आणि पडले. आजूबाजूच्या लोकांनी पोलिसांना आणि अग्निशमन दलाला माहिती दिली. अग्निशमन दलाच्या गाड्या पोहोचेपर्यंत संपूर्ण बस जळून खाक झाली होती. अग्निशमन दलाने सुमारे 30 मिनिटांत आग विझवली. आम्ही आत पोहोचलो तेव्हा आम्हाला ५ जळालेले मृतदेह आढळले. पोलिसांच्या प्राथमिक तपासात असे दिसून आले आहे की बसचा आपत्कालीन दरवाजा उघडला नाही. त्यामुळे मागे बसलेले लोक अडकले. बसमध्ये प्रत्येकी पाच किलोचे सात गॅस सिलिंडर होते. तथापि, एकाही सिलिंडरचा स्फोट झाला नाही.