बालपणीच वडिलांचं छत्र हरपलं; दहा महिन्यांपूर्वी आईची मायाही हरवली, आता लेकही गेला, सुन्न करणारी कहाणी.

जळगावात एका तरुणाचा अपघाती मृत्यू झाला आहे. या तरुणाच्या डोक्यावरुन त्याच्या वडिलांचं छत्र लहानपणीच हिरावल्या गेलं होतं. तर, काही दिवसांपूर्वी त्याची आई देखील गेली.आई-वडिलांचे छत्र सर्वांना हवेसे वाटणारे असते. घराला घरपण देणारी एक गोष्ट म्हणजे आई -वडील असतात. मात्र, हे सुख सर्वांच्याच नशिबी येते असं नाही. जळगावातील एका तरुणाची ही कहाणी तुमच्याही डोळ्यात पाणी आणेल. एका अपघातात अजय चौधरी नावाच्या तरुणाचा मृत्यू झाला. त्याच्या मृत्यूनंतर त्याची जी कहाणी समोर आली त्याने जळगाव हळहळलं आहे.

अजय चौधरी लहान असतानाच त्याच्या डोक्यावरील वडिलांचं छत्र हरपलं. त्याने वडिलांचं प्रेम काय असतं, त्यांचा आधार काय असतो हे अनुभवण्यापूर्वीच नियतीने त्याच्यापासून त्याचे बाबा हिरावून घेतले. त्याला त्याच्या आईनेच सांभाळ करत लहानाचं मोठं केले. आईची तब्येत खालावल्याने दहा महिन्यांपूर्वी त्याच्या आईचाही मृत्यू झाला. त्याच्या दहा महिन्यातच आता अजयनेही जगाचा निरोप घेतला आहे.आई खूप आजारी होती, म्हणून अजयला नोकरी देखील करता आली नाही. तो नेहमी आपल्या आईच्या सेवेसाठी हजर राहायचा. ना तो कुठेही जायचा नाही. मात्र, दहा महिन्यांपूर्वी त्याच्या आईचा मृत्यू झाला.11 मे रोजी अजय आणि त्याचा मित्र गणेश गीते हे दोघेही नाचनखेडा येथून लोहारा येथे मित्रासह दुचाकी वर जायला निघाले होते.

संतोषीमाता मंदिरा जवळील रस्त्यावर खोदलेल्या नालीजवळ त्यांच्या दुचाकीला आज्ञात वाहनाने रात्री आठ वाजेच्या सुमारास कट मारला आणि ते दोघेही रस्त्यावर पडले. या अपघातात दोघेही जखमी झाल्याने त्यांच्यावरती उपचार सुरू होते. मात्र, जळगाव येथे शस्त्रक्रिया करूनही काहीही झालं नाही. अपघाताच्या 24 तासाच्या आत काळाने ही अजयलाही हिरवून घेतलं.बालपणीच अजयचे वडिलांचे छत्र हरपल्याने तो मामा श्रीकृष्ण भिवसने व दगडू भिवसने यांच्या जवळ राहत होता. बारावीनंतर आयटीआय इलेक्ट्रिक डिप्लोमा केलेला होता. मात्र, आईची तब्येत ठीक नसल्याने आईच्या सेवेसाठी अजय नोकरीसाठी कुठे गेला नाही. मात्र, दहा महिन्यांपूर्वी आजारपणामुळे त्याच्या आईचाही मृत्यू झाला. त्यानंतर अजय हा एकटाच परिवारात होता. आता त्याचाही मृत्यू झाला आहे, त्यामुळे नातेवाईकांमध्ये शोकाकूल वातावरण आहे.