आई-वडील कामावर, घरी लेकीने नको ते केलं; पाहताच आजीने हंबरडा फोडला, अख्खं गाव सुन्न.

अभ्यासाच्या तणावातून एका विद्यार्थिनीने आपल्या आयुष्याची अखेर केल्याची धक्कादायक घटना घडली आहे. तिच्या या निर्णयाने तिच्या कुटुंबाला मोठा धक्का बसला आहे.पॉलिटेक्निकचं शिक्षण घेणाऱ्या शेतकरी कुटुंबातील १८ वर्षीय विद्यार्थिनी राहत्या घरात लोखंडी रॉडला ओढणीच्या साह्याने गळफास घेत आपल्या आयुष्याची अखेर केली आहे. ही घटना गंगापूर तालुक्यातील कोल्हापूर शिवारात मंगळवारी (13 मे) उघडकीस आली. या विद्यार्थिनीने अभ्यासाच्या तणावातून आपलं जीवन संपवलं असावं, असा प्राथमिक अंदाज वर्तवला जात आहे.
सोनाली पांडुरंग पवार (वय 18 रा. कोडापुर तालुका गंगापूर) असं गळफास घेऊन आपल्या आयुष्याची अखेर केलेल्या तरुणीचे नाव आहे. या प्रकरणी स्थानिकांनी दिलेल्या माहितीनुसार, गंगापूर तालुक्यातील कोडापूर शिवारामध्ये पवार कुटुंब वास्तव्यास आहे.

पांडुरंग पवार हे शेती करतात. त्यांना पाच मुली असून ते पत्नी, मुली, आईसह वास्तव्य करतात. सोनाली ही बिडकीन येथील गेवराई तांडा येथे असलेल्या धनेश्वरी कॉलेजमध्ये पॉलिटेक्निकचे शिक्षण घेत होती. दरम्यान, मंगळवार 13 मे रोजी सोनालीचे वडील पांडुरंग पवार हे वैजापूर येथे गेले होते. तर सोनालीची आई कामानिमित्त बाहेर गेली होती. यावेळी सोनाली आणि आजी घरी होती.तेव्हा अकरा वाजेच्या सुमारास सोनालीने गळफास घेतल्याचं तिच्या आजीच्या निदर्शनास आले. यावेळी आजीने एकच आरडाओरड केली.

अचानक आजीने आरडाओरड केल्याने शेजारी धावून आल. यावेळी नागरिकांच्या मदतीने सोनालीला खाली उतरवून तात्काळ गंगापूर येथील उपजिल्हा रुग्णालयात दाखल करण्यात आले. मात्र, तिथे डॉक्टरांनी तिला तपासून मृत घोषित केले. याप्रकरणी गंगापूर पोलीस ठाण्यामध्ये आकस्मित मृत्यूची नोंद करण्यात आली असून पुढील तपास गंगापूर पोलीस करीत आहेत.सोनाली ही पॉलिटेक्निकचे शिक्षण घेत होती. शिक्षण सुरळीत सुरू असताना अचानक तिने हे टोकाचं पाऊल उचललं. तिने असं का केलं याचं कारण अद्याप समजू शकलेलं नसलं तरी अभ्यासाच्या तणावातून तिने हा निर्णय घेतला असावा, असा प्राथमिक अंदाज वर्तवला जात आहे. या घटनेची माहिती कुटुंबीयांना मिळतात त्यांनी एकच टाहो फोडला.