अर्ध सैनिक बलातील जवानांच्या न्यायहक्कांसाठी मनसे चा ठाम आवाज.. ॲड जमील देशपांडे

जळगांव- देशाच्या संरक्षणासाठी आपल्या प्राणांची पर्वा न करता सेवा बजावणाऱ्या अर्ध सैनिक बलातील जवानांच्या व्यथा शासन दरबारी पोहोचाव्या याकरिता महाराष्ट्र नवनिर्माण सेने तर्फे आज सकाळी जळगाव जिल्ह्यातील निवृत्त अर्ध सैनिक बलातील जवान व शहीद झालेल्या जवानांचे कुटुंबीयांना सोबत घेऊन जिल्हाधिकारी आयुष प्रसाद यांची भेट घेऊन आपले प्रश्न मांडले. अर्ध सैनिक बल यांच्या महत्वाच्या मागण्या खालील प्रमाणे ..अर्ध सैनिक बलाचे कल्याणकारी मंडळ स्थापन व्हावे.जिल्ह्यातील सर्व निवृत्त जवानांची सैनिक कार्यालयात नोंदणी व्हावी. सेवा बजावताना वीरमरण आलेल्या जवानांचे शहीद स्मारक त्यांच्या गावी उभारण्यात यावे. नगरपालिका/ग्रामपंचायत कार्यक्षेत्रात घर असलेल्या जवानांना घरपट्टी व पाणीपट्टीमध्ये १००% सूट द्यावी. निवृत्त जवानांना योग्य सन्मान व सरकारी योजनांचा लाभ मिळावा.

या मागण्यांवर जिल्हाधिकारी महोदयांनी सकारात्मक प्रतिसाद देत सांगितले की, “महाराष्ट्र शासनाच्या योजनांचा लाभ मिळवून देण्याकरता जिल्हा प्रशासन तुमच्या सोबत ठामपणे उभं आहे.” त्याचप्रमाणे, वीरमरण आलेल्या जवानांचे शहीद स्मारक त्यांच्या गावातच उभारण्यात येईल, असे स्पष्ट आश्वासनही त्यांनी दिले.मनसे करणार पाठपुरावा करणार .. या विषयी लवकरच महाराष्ट्र नवनिर्माण सेनेचे अध्यक्ष मा. राज ठाकरे यांची भेट घेऊन सविस्तर माहिती दिली जाईल व महाराष्ट्र नवनिर्माण सेनेतर्फे अर्ध सैनिक बल कल्याणकारी मंडळ स्थापन करण्यासाठी ठोस पाठपुरावा केला जाणार आहे. अर्ध सैनिक बलातील जवानांचे योगदान शब्दात मावणारे नाही. मात्र, त्यांच्या समस्या, गरजा आणि व्यथा समजून घेऊन शासन आणि समाजाने त्यांना न्याय देणं ही आपली जबाबदारी आहे. या लढ्यात महाराष्ट्र नवनिर्माण सेना या जवानांसोबत आहे अशी माहिती महाराष्ट्र नवनिर्माण सेनेचे जिल्हाध्यक्ष ॲड जमील देशपांडे यांनी दिली.याप्रसंगी निवृत्त अर्ध सैनिक बलातील जवान विजय विजय सपकाळ, बाळू पाटील, रत्नाकर चौधरी, विजय सूर्यवंशी, रफिक शेख, शांताराम बोरसे, वीर पत्नी फरीदाबी उस्मान शेख,  वंदनाबाई पाटील यांच्यासह शहीद परिवारातील सदस्य मोठ्या संख्येने उपस्थित होते.