बुलढाण्यात अवकाळी पावसाचा कहर, महिलेवर आकाशातून मृत्यू कोसळला, दोन लेकरांनी डोळ्यापुढे आईचा मृत्यू पाहिला.

 बुलढाण्यात अवकाळी पावसाने मोठं नुकसान झालं आहे. यामध्ये वीज पडून एका महिलेचा मृत्यू झाला आहे. हृदयद्रावक म्हणजे या महिलेच्या लेकरांसमोरच तिचा मृत्यू झाला.राज्यात बहुतांश ठिकाणी अवकाळी पावसाने आपली हजरी लावली आहे. यामध्ये विजेचा कडकडाट गारपीट आणि पिकांच्या नुकसानासह जीवितहानी देखील आता समोर येत आहे. यातच एक मन हेलावून टाकणारी घटना बुलढाण्यातून समोर येत आहे.बुलढाणा जिल्ह्यातील सिंदखेड राजा तालुक्यात आणि परिसरात 12 मे रोजी दुपारी अवकाळी पावसामुळे वीज पडली आणि त्यात एका महिलेचा मृत्यू झाला आहे. साधारणत: दुपारी दोन ते तीन वाजेच्या सुमारास आलेल्या या अवकाळी वादळी पावसामुळे संपूर्ण जनजीवन विस्कळीत झाले होते.चोरपांग्रा (वीरपाग्रा) येथील रंजना संदीप चव्हाण (वय वर्ष 35) ही महिला नित्यक्रमाने शेतात काम करीत असताना अचानक वातावरणात मोठा बदल झाला आणि अंगावर वीज पडल्याने त्यांचा जागीच मृत्यू झाला. त्यांना बीबी येथील शासकीय रुग्णालयात आणले असता डॉक्टरांनी मृत घोषित केले. सर्वात महत्त्वाचे म्हणजे यावेळेस ही दुर्दैवी घटना घडत होती त्यावेळेस त्यांच्याच जवळ काहीच अंतरावर दोन चिमुकली उभी होती. त्यांनी हा सर्व घटनाक्रम डोळ्यासमोर हा हृदयद्रावक प्रसंग पाहिला.

त्यांच्या पश्चात पती, दोन मुले व बराच मोठा आप्तपरिवार आहे.साखरखेडा सेंदुर्जन किनगाव, जट्टू, बीबी मलकापूर पांगरा, दुसरं बीड या भागातील वादळीवाऱ्यासह मुसळधार पाऊस कोसळला, आकाशात विजांचा कडकडाट थैमान घातलेले होते. प्रचंड गळगटामुळे भीतीचे वातावरण निर्माण झाले होते .परिसरात लग्न आणि धार्मिक कार्यक्रमात नागरिकांची देखील मोठी तारांबर उडाली .तसेच जनजीवन विस्कळीत झाले. सध्या शेतकरी वर्ग येणाऱ्या खरीप हंगामाच्या तयारीसाठी शेतात राबत आहे. या अचानक आलेल्या पावसामुळे खरीप हंगामाच्या तयारीत शेती मशागतीत मग्न असणाऱ्या शेतकऱ्यांची ही धावपळ उडाली. परिसरात अनेक शेतकऱ्यांचा कांदा बीज उत्पादनप्लॉट घेतलेली असून ते परिपक्व अवस्थेत आहे. या पावसामुळे या कांदा बीज उत्पादन प्लॉट धारक व इतर रब्बी पिकाचे नुकसान झाले आहे.वातावरणात झाला बदल तर काय घ्यावी काळजी सध्या खरीप हंगामा करता मुख्यतः बळीराजा व त्यांच्या परिवारातील सदस्य मोठ्या प्रमाणात आपल्या काळया मातीच्या तयारी करता पुढील हंगामा करता दिवसभर राबत आहे. यावेळेस अचानक या अवकाळी पावसामध्ये मुख्यतः दुपारी दोन नंतर मोठ्या प्रमाणात बदल सध्या विदर्भातील अनेक भागात दिसून येत आहे अशा वेळेस विजेचा कडकडाट सुसाट वारा गारपीट होण्याची शक्यता नाकारता येत नाही अशा वेळेस ताबडतोब सुरक्षित ठिकाणी आपल्या परिवाराच्या सदस्यांसोबत आपण शेतातून सुरक्षित ठिकाणी जाणे गरजेचे आहे. मुख्यतः शेतातील कोणत्याही घनदाट झाडाखाली विजेचा कडकडाट सुरू असताना थांबू नये .अत्यंत सुरक्षित ठिकाणी त्वरित आपल्या परिवारासह शेतातून इतरत्र जाणे गरजेचे आहे.