अचानक त्रास सुरु, रुग्णवाहिका मिळाली नाही, रत्नागिरीत आठ महिन्यांच्या गर्भवतीचा बाळासह मृत्यू.

 रत्नागिरी येथील मंडणगड तालुक्यात एका आठ महिन्यांच्या गर्भवतीचा मृत्यू झाला आहे. तिला वेळीच रुग्णवाहिका मिळाली नसल्याने तिचा मृत्यू झाल्याची माहिती आहे.कोकणात मंडणगड तालुक्यात गर्भवती महिलेचा बाळासाह मृत्यू झाल्याने मोठी खळबळ उडाली आहे. मंडणगड तालुक्यातील कुडूक बुद्रुक या गावातील एका गर्भवती महिलेचा आपल्या बाळासह मृत्यू झाल्याची घटना 10 मे 2025 रोजी घडली आहे. वेळेत ॲम्बुलन्स न मिळाल्याने या महिलेला दापोली उपजिल्हा रुग्णालय गाठता आलं नाही आणि या महिलेचा मृत्यू झाला, अशी धक्कादायक घटना समोर आली आहे. 108 वर फोन केला असता ही रुग्णवाहिका कॉलसाठी अन्य ठिकाणी गेल्याचे सांगण्यात आले. याचवेळी 102 ही रुग्णवाहिका रुग्णालयात असतानाही विविध कारणं सांगून सेवेसाठी उपलब्ध करण्यात आली नाही. नाईलाजाने या महिलेच्या कुटुंबीयांनी खाजगी रुग्णवाहिकेचा आधार घेऊन दापोली गाठण्याचा निर्णय घेतला. मात्र, दुर्दैवाने दापोलीमध्ये पोहोचण्याआधीच या गर्भवती महिलेचा बाळासाहेब मृत्यू झाला. त्यामुळे रत्नागिरी जिल्ह्यातील शेवटचा तालुका असलेल्या व काहीसा दुर्गम म्हणून ओळख असलेल्या मंडणगड तालुक्यातील आरोग्य विभागाच्या कामकाजावरच प्रश्नचिन्ह उपस्थित झाल आहे. या सगळ्या धक्कादायक घटनेची जिल्हा आरोग्य अधिकाऱ्यांकडून चौकशी करण्यात आली असून यामध्ये ॲम्बुलन्सच्या दोन चालकांवर कारवाई होणार आहे.मंडणगड तालुक्यातील कुडूक बुद्रुक या गावातील एका गर्भवती महिलेचा आपल्या बाळासह मृत्यू झाल्याची घटना 10 मे 2025

रोजी घडली आहे. तालुक्यातील आरोग्य विभागात स्त्री रोग तज्ञ उपलब्ध नाही, अशी ही धक्कादायक माहिती यामुळे समोर आली आहे. यामध्ये प्राथमिक आरोग्य केंद्र, ग्रामीण रुग्णालय यांच्या कार्यपद्धतीवर पुन्हा एकदा प्रश्नचिन्ह उपस्थित झाल आहे.दरम्यान, या सगळ्या घटनेची गंभीर दाखल घेत जिल्हा आरोग्य अधिकारी डॉ. अनिरुद्ध आठल्ये यांनी चौकशी करण्याचे आदेश दिले होते. याच चौकशी दरम्यान ॲम्बुलन्स चालवणाऱ्या दोन चालकांचा फोनला प्रतिसाद न देण्याचा बेजबाबदारपणा समोर आला आहे. दरम्यान, हे दोन्हीही ॲम्बुलन्स चालक हे कंत्राटी तत्वावर कार्यरत आहेत. त्यांची सेवा समाप्ती करण्याचे आदेश आरोग्य विभागाकडून दिले जाणार आहेत.या संदर्भात या महिलेच्या कुटुंबीयांकडून मिळालेल्या अधिक माहितीनुसार, तालुक्यातील कुडूक बुद्रुक या गावातील विधी संदेश सावणेकर (वय 32) या सात ते आठ महिन्यांच्या गरोदर होत्या. त्यांना अचानक त्रास होऊ लागल्याने कुटुंबातील लोकांनी त्यांना प्राथमिक आरोग्य केंद्र देव्हारे येथे उपचारासाठी आणले, देव्हारे प्राथमिक आरोग्य केंद्रातील वैद्यकीय अधिकारी यांनी प्राथमिक उपचार करून पुढील उपचाराकरिता रुग्णवाहिकेद्वारे मंडणगड येथील ग्रामीण रुग्णालय येथे पाठवले. ग्रामीण रुग्णालयात या महिलेची प्रकृती आणखीनच अस्वस्थ झाली. येथील वैद्यकीय अधिकाऱ्यांनी अधिक उपचाराकरिता दापोली येथील उपजिल्हारुग्णालयात नेण्यास सांगितले. मात्र, यावेळी पुढील उपचारासाठी नेण्यासाठी आवश्यक असलेली रुग्णालयाची रुग्णवाहिका उपलब्ध झाली नाही. 108 वर फोन केला असता ही रुग्णवाहिका कॉल साठी अन्य ठिकाणी गेल्याचे सांगण्यात आले. त्याचबरोबर 102 ही रुग्णवाहिका रुग्णालयात असतानाही संबंधित चालकाने फोन उचलला नसल्याची माहिती जिल्हा सिव्हिल सर्जन यांच्या चौकशीत समोर आली आहे.

नाईलाजाने या महिलेच्या कुटुंबीयांनी खाजगी रुग्णवाहिकेचा आधार घेऊन दापोली गाठण्याचा निर्णय घेतला. मात्र, रुग्णवाहिकेच्या गोंधळाच्या दरम्यान खूप वेळ गेल्याने या महिलेचा रस्त्यातच प्रवासादरम्यान बाळासह मृत्यू झाल्याची माहिती पुढे येत आहे. दरम्यान, मृत्यू झालेल्या महिलेला ही घटना घडण्यापूर्वी आठवडाभरापूर्वी विंचूदंश झाला होता त्यावरही प्राथमिक रुग्णालयात उपचार करण्यात आले होते अशी माहिती आरोग्य विभागाच्या सूत्रांनी दिली.मंडणगडमधील भिंगळोली येथील ग्रामीण रुग्णालय व प्राथमिक आरोग्य केंद्र, देव्हारे याठिकाणी या गरोदर महिलेवरील उपचार करण्यात आले. रुग्णवाहिका उपलब्ध असूनही विविध कारणे सांगून रुग्णवाहिका उपलब्ध नसणे, ऑक्सिजनची उपलब्धता नसणे, चालक नसणे, डिझेल नसणे अशी अनेक कारणे रुग्नावाहीकेच्या संदर्भात आरोग्य विभागाकडून देण्यात आली आहेत असा आरोप नातेवाईकांनी केला आहे. महाराष्ट्र शासनाच्या वतीने गर्भवती महिलांसाठी विविध योजनांच्या माध्यमातून अत्यावश्यक सेवा उपलब्ध करण्यात आलेल्या असताना मंडणगड तालुक्यांमध्ये या सेवेची अंमलबजावणी का होत नाही असा प्रश्न उपस्थित होत आहे। या संदर्भामध्ये जिल्हा सिव्हिल सर्जन डॉ. भास्कर जगताप व तालुका वैद्यकीय अधिकारी अभिषेक गावंडे यांच्याकडून या सगळ्या प्रकारची गंभीर दखल घेत या सगळ्या घटनेतील चौकशी दरम्यान दोन ॲम्बुलन्स चालकांचा बेजबाबदारपणा समोर आला आहे