नवऱ्याला बाहेरच्या बाईचा नाद अन् संसाराची राखरांगोळी, पती आणि त्याच्या प्रेयसीच्या छळाला कंटाळून विवाहितेचं टोकाचं पाऊल.

माधुरी आणि विकास कोकणे यांचा विवाह काही वर्षांपूर्वी झाला होता. मात्र, विकास याचे अर्चना अहिरे हिच्याशी विवाहबाह्य संबंध असल्याने दोघांमध्ये वारंवार वाद होत असे. अर्चना हिच्या सांगण्यावरून विकासने पत्नीवर मानसिक आणि शारीरिक अत्याचार सुरूच ठेवले होते. पतीच्या विवाहबाह्य संबंधामुळे वैवाहिक जीवन उद्ध्वस्त झाल्याची आणखी एक दुर्दैवी घटना समोर आली आहे. पती आणि त्याच्या प्रेयसीकडून होणाऱ्या मानसिक आणि शारीरिक छळाला कंटाळून एका विवाहित महिलेने राहत्या घरी गळफास घेऊन आत्महत्या केल्याचा प्रकार भारती विद्यापीठ पोलीस ठाण्याच्या हद्दीत उघडकीस आला आहे. ही घटना १० मे रोजी दुपारी घडली.मृत महिलेचे नाव माधुरी विकास कोकणे (वय ३४, रा. १७/१ अष्टविनायक नगर, आंबेगाव पठार) असे आहे.

या प्रकरणी पती विकास बाळासाहेब कोकणे (वय ३७, रा. सादर) आणि प्रेयसी अर्चना अहिरे यांच्या विरोधात आत्महत्येस प्रवृत्त केल्याचा गुन्हा दाखल करण्यात आला आहे. माधुरी कोकणे हिचा भाऊ आशिष राजाभाऊ अलगट यांनी भारती विद्यापीठ पोलीस ठाण्यात फिर्याद दाखल केली आहे.पोलिसांनी दिलेल्या माहितीनुसार, माधुरी आणि विकास कोकणे यांचा विवाह काही वर्षांपूर्वी झाला होता. मात्र, विकास याचे अर्चना अहिरे हिच्याशी विवाहबाह्य संबंध असल्याने दोघांमध्ये वारंवार वाद होत असे. अर्चना हिच्या सांगण्यावरून विकासने पत्नीवर मानसिक आणि शारीरिक अत्याचार सुरूच ठेवले होते. सततच्या छळाला कंटाळून माधुरीने आत्महत्या केली, अशी माहिती पोलिसांनी दिली. या प्रकरणी भारती विद्यापीठ पोलीस ठाण्यात गुन्हा दाखल करण्यात आला असून, पुढील तपास पोलीस अधिकारी समीर कदम करीत आहेत.दुसरीकडे, पिंपरी चिंचवडमध्ये रविवारी ११ मे रोजी एका तरुणीचा धारधार शस्त्रने वार करून खून केल्याची घटना समोर आली होती. या घटनेचा आता खुलासा झाला आहे. दोघांमध्ये असलेल्या संबंध आणि आर्थिक व्यवहारातून ही हत्या शेजाऱ्यानेच केल्याचे उघड झाले आहे. या प्रकरणी पोलिसांनी दोघांना ताब्यात घेतले आहे. कोमल भरत जाधव असे खून झालेल्या तरुणीचे नाव आहे. उदयभान यादव (वय 45) आणि त्याचा सख्खा भाचा यांना पोलिसांनी अटक केली आहे. उदयभान यादव हा मूळचा उत्तर प्रदेशचा आहे. अवघ्या काही तासांतच पोलिसांनी ही कारवाई केली आहे.