कर्वेनगरच्या शाळेत 4 विद्यार्थ्यांवर अनैसर्गिक अत्याचार, डान्स टीचरला कोर्टाचा दणका, CCTV मध्ये दिसलं…

 आरोपी शाळेत विद्यार्थ्यांना नृत्य शिकविण्याच्या बहाण्याने त्यांचे लैंगिक शोषण करायचा; तसेच त्यांना अश्लील व्हिडिओ दाखवून त्यांच्यावर अत्याचार करायचा, असे तक्रारीत नमूद आहे.कर्वेनगर येथील नामांकित शाळेत अल्पवयीन विद्यार्थ्यांवर अनैसर्गिक लैंगिक अत्याचार करणाऱ्या नृत्य शिक्षकाचा जामीन अर्ज विशेष ‘पोक्सो’ न्यायालयाने फेटाळला. शाळेतील सीसीटीव्ही चित्रीकरणात आरोपी शिक्षक विद्यार्थ्याचा पाठलाग करत त्यांच्या पाठोपाठ स्वच्छतागृहात जाताना दिसत आहे.या प्रकरणात चार पीडित विद्यार्थी असून, आरोपी शिक्षक असतानाही त्याने हा अतिशय गंभीर गुन्हा केला आहे. त्यामुळे आरोपी जामीन मिळण्यास पात्र नाही, असे नमूद करत विशेष न्यायाधीश कविता शिरभाते यांनी हा आदेश दिला.या प्रकरणी 39 वर्षीय नृत्य शिक्षकाविरोधात भारतीय दंड संहितेच्या कलम 377 (अनैसर्गिक अत्याचार) व लैंगिक अत्याचारापासून बालकांचे संरक्षण कायदा (पोक्सो) कायद्याच्या कलमांनुसार गुन्हे दाखल आहेत.आरोपी शाळेत विद्यार्थ्यांना नृत्य शिकविण्याच्या बहाण्याने त्यांचे लैंगिक शोषण करायचा; तसेच त्यांना अश्लील व्हिडिओ दाखवून त्यांच्यावर अत्याचार करायचा, असे तक्रारीत नमूद आहे.

या गुन्ह्यात आरोपी शिक्षकाने जामीन मिळण्यासाठी विशेष न्यायालयात अर्ज केला. त्याला विशेष सरकारी वकील नितीन कोंघे यांनी विरोध केला.आरोपीने कर्वेनगरच्या शाळेतील चार विद्यार्थ्यांचे लैंगिक शोषण केले आहे. तपास अधिकाऱ्यांनी या घटनेचे सीसीटीव्ही चित्रीकरण संकलित केले असून, आरोपीचा मोबाइलही जप्त केला आहे. आरोपीने केलेला गुन्हा गंभीर स्वरूपाचा असून, त्याला जामीन देऊ नये, असा युक्तिवाद विशेष सरकारी वकील नितीन कोंघे यांनी केला. तो ग्राह्य धरत न्यायालयाने आरोपीचा जामीन अर्ज फेटाळला.शाळेतील समुपदेशकांनी ‘गुड टच, बॅड टच’बाबत प्रशिक्षण दिल्यावर पीडित विद्यार्थ्याने नृत्य शिक्षकाच्या अत्याचाराची माहिती आपल्या पालकांना दिली. त्यानंतर हा प्रकार उघडकीस आला होता.दुसरीकडे, प्रेमाच्या जाळ्यात ओढल्यानंतर ठार मारण्याची धमकी देऊन युवकाने २३ वर्षीय तरुणीवर बलात्कार केला. याप्रकरणी गणेशपेठ पोलिसांनी बलात्कारासह विविध कलमांन्वये गुन्हा दाखल करून युवकाला अटक केली. जिशान निसार खान (वय २७, रा. कर्नलबाग), असे अटकेतील युवकाचे नाव आहे.सुमारे दहा वर्षांपूर्वी तरुणीची जिशानसोबत ओळख झाली. त्याने तिला प्रेमाच्या जाळ्यात ओढले. तो तिला वाठोडा परिसरातील एका मित्राच्या घरी घेऊन गेला. तेथे मारहाण करून ठार मारण्याची धमकी देत त्याने तरुणीवर बलात्कार केला. त्यानंतर तो तिचे शारीरिक शोषण करायला लागला. तो तरुणीला सतत धमकी देत होता. अखेर तरुणीने पोलिसांत तक्रार दिली. पोलिसांनी गुन्हा दाखल करून त्याला अटक केली.पीडित तरुणीच्या घराला १० मे रोजी आग लागली. यात घरगुती साहित्य जळाले. ही आग जिशानने लावल्याचा संशय तरुणी व तिच्या कुटुंबीयांना आहे. पोलिसांनी या आगीचाही तपास सुरू केला आहे.