देव तारी त्याला कोण मारी, बसचा अचानक फुटला बलून, चालकाचे डोके उडकले, आरडाओरड होताच…

हिंगोली जिल्ह्यातील औंढा नागनाथ येथे मंदिराच्या पार्किंगमध्ये मोठी दुर्घटना टळली. एका बसचा बलून फुटल्याने चालक हौजिंगजवळ अडकला. दोन तासांच्या अथक प्रयत्नानंतर चालकाला सुखरूप बाहेर काढण्यात आले. पोलिसांनी तातडीने घटनास्थळी धाव घेतली. वर्धा जिल्ह्यातील सुनील देवतडे हे दर्शनासाठी आले होते. औंढा नागनाथ येथील मंदिर पार्किंगमध्ये एक धक्कादायक प्रकार घडला आहे. पार्किंगमध्ये उभ्या असलेल्या बसचा बलून फुटल्याने हौजिंगजवळ अडकलेल्या चालकाला दोन तासाच्या प्रयत्नानंतर सुखरूप बाहेर काढण्यात आले आहे. यावेळी घटनेची माहिती मिळताच पोलिसांनी घटनास्थळी धाव घेतली आणि चालकाला सुखरूप बाहेर काढण्यासाठी प्रयत्न केले. तब्बल दोन तास हा चालक अडकून बसला होता. घटनेची माहिती मिळताच अनेकांनी घटनास्थळी धाव घेत चालकाला वाचवण्यासाठी प्रयत्न केले.

मिळालेल्या माहितीनुसार, औंढा नागनाथ येथील नागनाथ मंदिराच्या पार्किंग परिसरात उभ्या असलेल्या खाजगी बस खाली असलेल्या बलूनमधून हवा लीक होत असल्याचे चालकाच्या लक्षात आले. यादरम्यान चालक पाहणी करत असताना बलून फुटल्याने हौजिंगजवळ त्याचे डोके अडकून पडले. यानंतर चालकाने आरडाओरड सुरू केली. ही बाब पार्किंगमधील इतर चालकांच्या लक्षात आली.वेळ न घालता इतर चालकांनी ही माहिती औंढा नागनाथ पोलीस स्टेशनचे पोलीस निरीक्षक जी.एस राहिरे यांना दिली. माहिती मिळताच जी.एस राहिरे हे त्यांच्यासह ज्ञानेश्वर गोरे आणि इतर मेकॅनिकलला घेऊन घटनास्थळी दाखल झाले. दोन तासाच्या शर्तीच्या प्रयत्नानंतर जॅकने बस उचलून चालकास सुखरूप बाहेर काढण्यात आले. ही घटना (११) रविवार रोजी सकाळी नऊ वाजेदरम्यान घडली.सुनील देवतडे राहणार पौतार जिल्हा वर्धा असे चालकाचे नाव आहे. सुनील देवतडे हे भाविकांना घेऊन देवदर्शनासाठी औंढा नागनाथ येथे आले होते. दैव बलवत्तर म्हणून ते बालबाल वाचले. दरम्यान बसखाली चालक अडकल्याचे कळताच पाहण्यासाठी लोकांनी मोठी गर्दी केली. यावेळीचे अनेक व्हिडीओ आणि फोटोही व्हायरल होत आहेत. पोलिसांनी माहिती मिळताच घटनास्थळी दाखल होत, चालकाला सुखरूप काढण्यासाठी प्रयत्न केल्याने त्यांचे काैतुक केले जात आहे.