बालीमध्ये शाळेच्या सहलीवेळी बोट उलटून अपघात, कल्याणमधील शिक्षिकेचा मृत्यू, पाठक कुटुंबासह शाळेवर शोककळा.

कल्याणच्या बिर्ला स्कूलच्या १८ विद्यार्थ्यांसह शाळेतील शिक्षक दरवर्षीप्रमाणे यंदा बाली इथे सहलीसाठी गेले होते. ९ मे रोजी बाली येथे रिव्हर राफ्टिंग करताना श्वेता यांची बोट बुडाली.इंडोनेशियामधील बाली येथे शैक्षणिक सहल घेऊन गेलेल्या कल्याणमधील बिर्ला स्कूलच्या शिक्षिका श्वेता पाठक यांचा रिव्हर राफ्टिंगदरम्यान बोट उलटल्याने मृत्यू झाला. त्यांच्या नातेवाइकांनी ही माहिती दिली.पाठक यांचे नातेवाईक आणि शाळा प्रशासनाचे कर्मचारी बाली येथे रवाना झाले असून त्यांचा मृतदेह भारतात आणण्यासाठी नातेवाइकांनी परराष्ट्र व्यवहार मंत्रालयाला मदतीची विनंती केली आहे.कल्याणच्या बिर्ला स्कूलच्या १८ विद्यार्थ्यांसह शाळेतील शिक्षक दरवर्षीप्रमाणे यंदा बाली इथे सहलीसाठी गेले होते. ९ मे रोजी बाली येथे रिव्हर राफ्टिंग करताना श्वेता यांची बोट बुडाली. या दुर्घटनेत त्यांचा मृत्यू झाला.श्वेता यांचा मृतदेह बालीमधील गैण्यार शहरातील पायांगण रुग्णालयात ठेवण्यात आला आहे. खासदार सुप्रिया सुळे यांनी परराष्ट्र व्यवहार मंत्रालयास ट्वीट करत पाठक यांच्या नातेवाइकांना मदत करावी, असे आवाहन केले आहे.

बिर्ला शाळेने निवेदन जारी करताना श्वेता पाठक यांचा उल्लेख “शिक्षिकेपेक्षाही अधिक” असल्याचे वर्णन केले. शाळा प्रशासनाने “पाठक कुटुंबाच्या गोपनीयतेचा आदर करण्याचे आणि चुकीची माहिती प्रसारित करण्यापासून दूर राहण्याचे” आवाहन केले आहे.ट्रॅव्हल ऑपरेटर अस्मित कंधारे म्हणाले की “ही एक दुर्दैवी घटना आहे आणि अशा घटना आपल्याला आठवण करून देतात, की सुरक्षित वाटणारे साहसी स्पोर्ट्स देखील क्षणार्धात दुःखदायक घटनेत परावर्तित होऊ शकतात” ते पुढे म्हणाले की, पर्यटक सुट्टीच्या काळात अनेकदा जोखिमांकडे दुर्लक्ष करतात, विशेषतः अशा लोकप्रिय ठिकाणी जिथे साहसी खेळांना नियमितपणे राबवले जाते.

पर्यटन विषयातील जाणकार असलेले परेश कदम म्हणाले, “आम्हाला हा प्रकार वारंवार दिसतो – स्थानिक परिस्थिती किंवा सुरक्षितता मानकं न समजून घेता केवळ भारतातच नव्हे तर जगभरात पर्यटक अतिउत्साहाच्या भरात सहभागी होतात.”साहसी उपक्रमात सहभागी होण्यापूर्वी पर्यटकांनी मार्गदर्शकांची पात्रता, उपकरणांची स्थिती आणि आपत्कालीन प्रक्रियांची उपलब्धता याबद्दल विचारावे असे परेश कदम यांनी सुचवले.