भारताला मोठं यश! कंधार विमान अपहरणाच्या मास्टरमाइंडला कंठस्नान, पाक दहशतवादी रौफ अझहरचा खात्मा.

ऑपरेशन सिंदूर द्वारे पाकिस्तान आणि पाकव्याप्त काश्मिरमध्ये घुसून हल्ला केल्यानंतर भारताला आणखी एक मोठे यश मिळाले आहे. कंधार आयसी-८१४ एअर इंडियाच्या विमान अपहरण प्रकरणाचा सूत्रधार रौफ अझहर एका हल्ल्यात मारला गेल्याचे वृत्त आहे.ऑपरेशन सिंदूर द्वारे पाकिस्तान आणि पाकव्याप्त काश्मिरमध्ये घुसून हल्ला केल्यानंतर भारताला आणखी एक मोठे यश मिळाले आहे. कंधार आयसी-८१४ एअर इंडियाच्या विमान अपहरण प्रकरणाचा सूत्रधार रौफ अझहर एका हल्ल्यात मारला गेल्याचे वृत्त आहे. बुधवारी, रौफ अझहर जखमी अवस्थेत ऑपरेशन सिंदूरमध्ये मारल्या गेलेल्या दहशतवाद्यांच्या अंत्यसंस्काराचे नेतृत्व करताना दिसला होता.पहलगाम हल्ल्यानंतर, भारताने पुन्हा एकदा सांगितले होते की ते दहशतवाद्यांच्या घरात घुसून त्यांना ठार मारतील. रौफचा मृत्यू हे याचे आणखी एक उदाहरण आहे. उरी आणि पुलवामा हल्ल्यानंतर भारतीय लष्कराने यापूर्वीही हवाई हल्ल्यांचे प्रात्यक्षिक दाखवले आहे. रौफच्या हत्येनंतर मसूद अझहरलाही मारले जाऊ शकते अशी दाट शक्यता आता वर्तविली जात आहे.

ऑपरेशन सिंदूर अंतर्गत पाकिस्तानातील बहावलपूर येथील जैश-ए-मोहम्मदच्या मुख्यालयावर भारतीय हवाई हल्ल्यात मसूद अझहरच्या कुटुंबातील १० सदस्यांचा मृत्यू झाला. काही अहवालांमध्ये अझहर गंभीर जखमी असल्याचे दिसून आले. पण काल तो दहशतवाद्यांच्या अंत्यसंस्कारात प्रार्थना करताना दिसला. आता बातमी अशी आहे की त्याचा जखमी अवस्थेत मृत्यू झाला आहे. रौफ अझहरचा मृत्यू हा दहशतवादाला मोठा धक्का मानला जात आहे.१९९९ च्या आयसी-८१४ एअर इंडियाच्या अपहरणामागील सूत्रधार आणि जागतिक स्तरावर घोषित दहशतवादी अब्दुल रौफ अझहर, पाकिस्तानच्या दक्षिण पंजाबमधील दहशतवादी केंद्र असलेल्या बहावलपूरमधील जैश-ए-मोहम्मदच्या लाँच पॅड आणि मुख्यालयावर भारतीय क्षेपणास्त्रांनी हल्ला केला, ज्यामध्ये तो मारला गेला. भारतावरील अनेक हल्ल्यांसाठी जबाबदार होता. संयुक्त राष्ट्र सुरक्षा परिषदेच्या ठराव १२६७ अंतर्गत त्याच्यावर निर्बंध लादण्यात आले होते आणि गेल्या अनेक दशकांपासून जागतिक गुप्तचर संस्था त्याच्यावर बारकाईने लक्ष ठेवून होत्या.ऑपरेशन सिंदूर सुरूच ७ मे रोजी भारताने ऑपरेशन सिंदूर राबवून पाकिस्तान आणि पीओकेमधील नऊ दहशतवादी अड्डे उद्ध्वस्त केले. या हल्ल्यात सुमारे १०० दहशतवादी मारले गेल्याचे वृत्त आहे. या हल्ल्यानंतर पाकिस्तान आणि त्याच्या दहशतवादी हेतूंना मोठा धक्का बसला आहे.