भटक्या कुत्र्याचा ७ वर्षीय मुलीला चावा; प्रतिबंधक लस घेऊनही रेबीजने मृत्यू, डॉक्टरांनी सांगितलं हे कारण.

 रेबीज प्रतिबंधक लस घेतल्यानंतरही सात वर्षीय मुलीचा रेबीजमुळे मृत्यू झाल्याची घटना केरळमधील एका सरकारी रुग्णालयात सोमवारी घडली.रेबीज प्रतिबंधक लस घेतल्यानंतरही सात वर्षीय मुलीचा रेबीजमुळे मृत्यू झाल्याची घटना केरळमधील एका सरकारी रुग्णालयात सोमवारी घडल्याची माहिती रुग्णालयातील सूत्रांनी दिली. निया असे या मुलीचे नाव असून, ती लगतच्या कोल्लम जिल्ह्यातील कुन्नीकोड येथील रहिवासी होती.नियाला रेबीजचा संसर्ग झाल्याचे निदान झाल्यानंतर, मागील काही दिवस ती येथील श्री अविट्टम थिरुनल (एसएटी) रुग्णालयात व्हेंटिलेटरवर होती. रेबीज प्रतिबंधक लस योग्य अंतराने घेतल्यानंतरही तिला रेबीजचा संसर्ग झाल्याचे कुटुंबीयांनी तसेच रुग्णालयातील डॉक्टरांनी शुक्रवारी म्हटले होते.

निया घराजवळ उभी असताना ८ एप्रिल रोजी एका भटक्या कुत्र्याने तिच्या कोपराचा चावा घेतला होता, अशी माहिती तिच्या आईने दिली. त्यानंतर लगेचच कुटुंबीयांनी तिच्या जखमा योग्यरित्या धुवून तिला जवळच्या कौटुंबिक आरोग्य केंद्रात नेले होते.तिथे तिला देण्यात आली होती. त्यानंतर तिला पुनालूर तालुका रुग्णालयात नेऊन अतिरिक्त औषधोपचार आणि लशीच्या मात्रा देण्यात आल्या होत्या. मात्र काही दिवसांनंतर अचानक चावा घेतलेल्या ठिकाणी तिला गंभीर वेदना सुरू झाल्या, तसेच ताप आला. त्यामुळे पालकांनी तिला घेऊन पुन्हा रुग्णालयात धाव घेतली.एसएटी रुग्णालयातील संबंधित अधिकाऱ्यांनी दिलेल्या माहितीनुसार, कुत्र्याने थेट शिरेवर चावा घेतला, तर विषाणू थेट मेंदूपर्यंत पोहोचू शकतो आणि अशा परिस्थितीत लसीकरण किती प्रभावी ठरू शकेल हे सांगणे अशक्य असते.लागोपाठ दुसऱ्या मुलीचा बळी काही दिवसांपूर्वीच केरळच्या मलप्पूरम जिल्ह्यातील एका सहा वर्षीय मुलीचा लसीकरणानंतरही रेबीजमुळे मृत्यू झाला होता. केरळमध्ये गुणवत्तेची खात्री केल्यानंतरच लशी दिल्या जातात, असे आरोग्यमंत्री वीणा जॉर्ज यांनी सांगितले.