इन्स्टाग्रामवर घरातील पोरीचा फोटो का टाकला याचा जाब विचारायला गेलेल्या तरुणाला दगडावर उचलून आपटल्याने त्याचा जागीच मृत्यू झाला. या घटनेतील आरोपीला पोलिसांनी अवघ्या पाच तासात पकडलं.बहिणीचा फोटो इन्स्टाग्रामवर का पाठवला याचा जाब विचारण्यासाठी गेलेल्या युवकाला दगडावर जोरात आपटून त्याची हत्या करण्यात आल्याची धक्कादायक घटना घडली आहे. पुणे जिल्ह्यातील इंदापूर येथील अंथुर्णे येथे ही भयंकर घटना घडली असून याने जिल्ह्यात एकच खळबळ माजली आहे. याप्रकरणी पोलिसांनी तात्काळ ५ तासांमध्ये हत्या करणाऱ्या आरोपीला अटक केली आहे. या घटनेमध्ये आकाश मुशा चौगुले (वय – २२,रा.अंथुर्णे) याची हत्या करण्यात आली असून राजेश ऊर्फ तात्या सायबु पवार (वय – २१, रा. अंथुर्णे) याला हत्येच्या गुन्ह्याखाली अटक करण्यात आली आहे.










