‘पाकिस्तानवाल्यांनो मी तुमच्या सोबत, जय पाकिस्तान!’ राखी सावंतचा Video पाहून भारतीयांचा संताप, देशाबाहेर हाकलण्याची मागणी.

राखी सावंतचा व्हिडिओ व्हायरल होत असून त्यात ती शत्रू देश पाकिस्तानला पाठिंबा देत आहे.मुंबई- बॉलिवूडची ड्रामा क्वीन राखी सावंत तिच्या स्पष्टवक्तेपणासाठी ओळखली जाते. ती तिच्या विचित्र विधानांनी लोकांचे लक्ष वेधून घेते. लोकांचे मनोरंजन करणारी राखी सावंत पुन्हा एकदा चर्चेत आली आहे. सध्या २२ एप्रिल रोजी झालेल्या पहलगाम दहशतवादी हल्ल्यामुळे देशात संतापाची लाट उसळली असताना राखीने भलतेच विधान केले आहे. तिचे ते विधान ऐकून भारतीयांचे रक्त उसळत असून तिला भारताबाहेर काढण्याची विनंती लोक करत आहेत.

झाले असे की, पहलगाम दहशतवादी हल्ल्यानंतर भारत पाकिस्तान देशातला तणाव आणखी वाढला आहे. दोन्ही देश एकमेकांची कोंडी करण्याचा प्रयत्न करत आहे. भारताने सुद्धा पाकिस्तान विरोधात कठोर पाऊले उचलण्यास सुरुवात केली आहे.सर्व सामान्यांपासून ते राजकारणी लोक, खेळाडू, सेलिब्रेटी सर्वच जण या दहशतवादी हल्ल्याचा निषेध करत पाकिस्तानला धडा शिकवण्याची विनंती मोदी सरकारला करत आहेत. मात्र राखी सावंत या परिस्थितीतही भारतीय असूनपण पाकिस्तानला पाठिंबा देत आहे.राखी सावंतचा एक व्हिडिओ व्हायरल होतोय. ज्यामध्ये ती प्रतिज्ञा घेत म्हणतेय की, मी राखी सावंत आहे. मी खरं बोलेन, खऱ्याशिवाय काहीच बोलणार नाही. पाकिस्तावाले… मी तुमच्यासोबत आहे, जय पाकिस्तान! राखीचा हा व्हिडिओ पाहून तिच्यावर भारतीय प्रचंड चिडले आहेत. तिला भारताबाहेर हाकलण्याची विनंती करत आहेत. एकाने कमेंटमध्ये लिहिले की हिच्या घरावर पण जेसीबी चढवा. तर दुसऱ्याने लिहिले की ही भारतात राहून दुसऱ्या देशाला पाठिंबा देत असेल कर हिच्यावर कारवाई झालीच पाहिजे. आणखी एकाने लिहिले की सरकारने हिचे नागरिकत्व रद्द करावं आणि हिच्यावर देशद्रोहाची कारवाई करावी.दरम्यान राखी सावंतबद्दल बोलायचे झाल्यास,मध्यंतरीच्या काळात तिला पाकिस्तानची सून बनण्याचे वेध लागलेले. त्यासाठी तिने एका पाकिस्तानी अभिनेत्याची निवड देखील केलेली पण नंतर गोष्ट जमून आली नाही. हे सर्व आपण भारत पाकिस्तानचे संबंध सुधारण्यासाठी करत आहोत असे तिने सांगितले होते. राखी सध्या दुबईत स्थलांतरीत झाली आहे.