हल्ल्यातील दहशतवाद्यांना मदत, पोलिसांना गुंगारा देत पळाला आणि नदीत उडी… Video व्हायरल.

जम्मू-काश्मीरमधील पहलगाम येथे पर्यटकांवर हल्ला झाला. त्यानंतर सुरक्षा दलांनी कारवाई सुरू केली. नदीच्या किनारी एका तरुणाचा मृतदेह आढळला. सुरक्षा दलाच्या कारवाई दरम्यान तो पळून गेला आणि नदीत बुडून त्याचा मृत्यू झाला, असा आरोप आहे. या घटनेमुळे राजकीय वातावरण तापले आहे.जम्मू – काश्मीरमधीव पहलगाममध्ये २२ एप्रिल रोजी पर्यटकांवर झालेल्या हल्ल्यानंतर सुरक्षा दलाकडून मोठी कारवाई सुरू आहे. यादरम्यान नदी किनारी एका तरुणाचा मृतदेह आढळला. तरुणाचा मृतदेह आढळल्यानंतर सुरक्षा दलावर गंभीर आरोप केले जात आहेत, कारण पहलगाम हल्ल्यानंतर त्या तरुणाला चौकशीसाठी पोलिसांनी ताब्यात घेतलं होतं. त्यानंतर त्याचा मृतदेह आढळल्याने याची चर्चा सुरू आहे.या घटनेप्रकरणी एक व्हिडिओ समोर आला आहे. व्हिडिओत असं दिसतंय, की तरुण स्वत: सुरक्षा दलापासून वाचवण्यासाठी पळतो आहे. त्यावेळी तो नदीत उडी मारतो आणि नदीतून वाहून जातो. या तरुणावर दहशतवाद्यांना आश्रय देण्याचा आणि मदत करण्याचा आरोप होता.

त्यासाठीच त्याला पोलिसांनी ताब्यात घेतलं होतं. मात्र तो पळाला. त्यानंतर पोलिसांनी सकाळी कॉर्डन अँड सर्च ऑपरेशन सुरू केलं होतं. तो ड्रोन व्हिडिओग्राफीद्वारे कडक देखरेखीखाली असताना नदीजवळील लपण्याच्या ठिकाणी गेला. यानंतर त्याने नदीत उडी घेतली. कदाचित त्याने नदीतून पळून जाण्याचा प्रयत्न केला असेल. त्यावेळी नदीत पडून त्याचा मृत्यू झाला. सध्या या प्रकरणाची न्यायालयीन चौकशी करण्याचे आदेश देण्यात आले आहेत.रविवारी सकाळी एका नदीत त्याचा मृतदेह आढळला. दहशतवाद्यांच्या लपण्याच्या ठिकाणाचा शोध घेत असताना तो पळून जाण्याच्या प्रयत्नात होता आणि त्याचवेळी त्याने नदीत उडी मारल्याची माहिती पोलिसांनी दिली आहे.नदीकिनारी मृतदेह आढळलेल्या तरुणाचं नाव इम्तियाज अहमद मगरे असं होतं, तो २३ वर्षांचा होता. तरुणाला सुरक्षा दलाकडून ताब्यात घेण्यात आलं होतं. इम्तियाज कुलगाम जिल्ह्यातील दमहाल हांजीपोरा भागातील तंगमार्ग येथील राहणारा होता. ती मजूरीचं काम करायचा. शनिवारी पोलिसांनी त्याला अटक केली होती. त्याने दोन पाकिस्तानी दहशतवाद्यांबाबत माहिती दिली होती. सुत्रांनी दिलेल्या माहितीनुसार, त्याने पोलिसांना सांगितलं, की त्याने कुलगाममध्ये तंगमार्ग येथील जंगलात लपलेल्या दहशतवाद्यांना जेवणं आणि निवारा दिला होता.इम्तियाजच्या मृत्यूनंतर राजकारण तापलं असून तेथील पॉप्युलर डेमोक्रॅटिक पक्षाच्या नेत्या महबूबा मुफ्ती यांनी तरुणाच्या मृत्यूनंतर गंभीर आरोप केले आहेत. तरुण अतिशय गरीब कुटुंबातील होता, त्याचा मृत्यू सुरक्षा दलाच्या ताब्यात असताना झाला आहे. हा मृत्यू एक कट असल्याचा आरोप केला जात आहे.