निधी वळवल्यामुळे मंत्री संजय शिरसाट आक्रमक, थेट मुख्यमंत्र्यांकडे करणार तक्रार? पाहा नेमकं काय म्हणाले?

लाडकी बहिण योजनेच्या निधीवरून मंत्री नाराज आहेत. अनेक मंत्र्यांनी निधी कपात केल्याबद्दल उघडपणे नाराजी व्यक्त केली आहे. सामाजिक न्याय मंत्री संजय शिरसाट यांनी अर्थ खात्यावर थेट निशाणा साधला आहे. अर्थ खात्यातील काही ‘महाभाग’ कायद्याचे उल्लंघन करत असल्याचा आरोप त्यांनी केला. निधी कपात करणे अन्यायकारक असल्याचे ते म्हणाले. या संदर्भात ते मुख्यमंत्र्यांशी चर्चा करणार आहेत.लाडकी बहिण योजनेवरून आता मंत्र्यांनी थेट नाराजी बोलून दाखायला सुरूवात केली आहे. शिंद गटाचे नेते आणि तीन मंत्र्यांनी निधी कट करण्यावर भाष्य केले आहे. अशातच सामाजिक न्याय मंत्री संजय शिरसाट यांनी थेट अर्थ खात्यावर निशाणा साधला आहे.तुमच्या माध्यमातून मला कळले की माझे खात्याचे पैसे वर्ग करण्यात आले.

याची मला कल्पना नाही, माहिती नाही. सामाजिक खात्याची आवश्यकता नसेल किंवा गरज नसेल तर खाते बंद करा. अन्याय म्हणा किंवा का कट केला मला माहित नाही मात्र मुख्यमंत्र्याशी बोलणार. फायनान्स डिपार्टमेंट मनमानी करते. हे चुकीचे असून सगळाच निधी कट करा. निधी वर्ग किंवा कट करता येत नाही. याला काही नियम आहेत का नाही? मला पटले नाही, असं म्हणत संजय शिरसाट यांनी जाहीरपणे आपली नाराजी व्यक्त केली आहे.मुख्यमंत्री यांच्याशी चर्चा झाल्यावर योग्य निर्णय होईल. माझं १५०० कोटीचा देणं आहे. माझं देणे वाढत आहे. माझं पत्र देणे काम आहे. त्यांनी काय निर्णय घ्यायचा हे त्यांनी पाहावे. त्यांच्या निर्णय आणि सूचनांची मला कल्पना नाही. माझ्या खात्याचा कोणताही निधी वर्ग करता येत नाही, हा कायदा आहे. अर्थ खात्यामध्ये काही महाभाग बसले आहेत. त्यांना असे वाटत की निधी वळवता येते. कायद्यात पळवापळवी करून निधी घेणे चुकीचे आहे. हे पैसे दलीत भगिनींना दिला असे म्हणता येत नाही. महाभाग हे अर्थ खात्यामध्ये बसलेले शकुनी लोक असल्याचं म्हणत शिरसाटांनी टीका केली.आता कुणी काय करावे याची अक्कल घेण्याची गरज मोठ्या नेत्यांना नाही. आपल्याला राजकारण कळते किती? काँग्रेसने पाठिंबा दिला आहे त्यामुळे असेल नसेल लाज बाळगायला हवे. देशावर हल्ला होतो तेव्हा पक्षवेध बाजूला ठेवायचे असते. राजीनामा बोलणे म्हणजे अपरिपक्व असणे असे आहे आणि हेच पक्ष बुडवीत आहे. लोक आता उबाठावर थुंकत आहेत. अमित शहा तुमच्यासाठी आले नाही.तुम्ही आले का नाही आले का हे कुणी विचारत नाही, असं म्हणत शिरसाटांनी राऊतांना प्रत्युत्तर दिलं आहे.