बॉन्डेज शरीरसंबंधावेळी बायकोचा मृत्यू, जिम ट्रेनरचा दावा; PM रिपोर्टनं केस फिरली, गूढ उकललं.

पत्नीच्या हत्येच्या आरोपाखाली ३४ वर्षीय जिम ट्रेनरला अटक करण्यात आली आहे. बॉन्डेज सेक्स करत असताना पत्नीचा मृत्यू झाल्याचा दावा जिम ट्रेनरनं केला होता. पण पोलीस तपासात त्याचा दावा खोटा आढळून आला.चेन्नई: पत्नीच्या हत्येच्या आरोपाखाली ३४ वर्षीय जिम ट्रेनरला अटक करण्यात आली आहे. बॉन्डेज सेक्स करत असताना पत्नीचा मृत्यू झाल्याचा दावा जिम ट्रेनरनं केला होता. पण पोलीस तपासात त्याचा दावा खोटा आढळून आला. त्यानंतर पोलिसांनी जिम ट्रेनरला बेड्या ठोकल्या. भास्कर असं जिम ट्रेनरचं नाव आहे. तो ४ जिम चालवतो. तर त्याची पत्नी शशिकलादेखील महिलांसाठी एक जिम चालवायची. जोडप्याला ४ आणि २ वर्षांची मुलंदेखील आहेत.पोलिसांनी भास्करला पत्नीच्या अटकेच्या आरोपाखाली तामिळनाडूच्या होसूर जिल्ह्यातून अटक केली. भास्कर आणि शशिकला यांचा प्रेम विवाह होता. २०१८ मध्ये ते लग्न बंधनात अडकले. बंगळुरुत प्ले स्कूल चालवत असताना शशिकला भास्करच्या प्रेमात पडली होती.

भास्करचे विवाहबाह्य संबंध असल्याचा संशय शशिकलाला होता. त्यामुळे दोघांमध्ये सतत वाद व्हायचे. ३० एप्रिलला भास्करनं शशिकलाला एका खासगी रुग्णालयात दाखल केलं. शशिकलाच्या नाकातून अचानक रक्तस्राव सुरु झाला आणि शरीरसंबंधावेळी ती बेशुद्ध पडली, असं भास्करनं डॉक्टरांना सांगितलं.डॉक्टरांनी शशिकलाला मृत घोषित केलं. रुग्णालयानं याबद्दलची माहिती सिपटोक पोलिसांना दिली. त्यानंतर पोलिसांनी तपास सुरु केला. पोलिसांना शशिकलाच्या गळ्याजवळ खुणा दिसल्या. शशिकलाचा मृत्यू गळा दाबल्यानं झाला असावा असा संशय त्यांना आला. त्यांनी शशिकलाचा मृतदेह जिल्हा रुग्णालयात पाठवला.पोलिसांना भास्करबद्दल शंका आल्यानं त्यांनी चौकशी सुरु केली. शशिकला दारु प्यायली होती. त्यानंतर आम्ही बॉन्डेज सेक्स केला. त्यावेळी तिचा मृत्यू झाल्याचं भास्करनं पोलिसांना सांगितलं. पण शवविच्छेदन अहवालानं भास्करचं बिंग फुटलं. शशिकलाचा मृत्यू हा पूर्वनियोजित खून असल्याचं शवविच्छेदनातून स्पष्ट झालं. त्यानंतर पोलिसांना भास्करला बेड्या ठोकल्या.भास्करनं १४ लाख रुपये हुंडा घेतला होता. त्यानंतरही तो शशिकलाशी वाद घालायचा, भांडायचा, असा दावा शशिकलाचे वडील अरुल यांनी केला. ‘दोघांमध्ये सतत वाद व्हायचे. त्यानं हात, पाय बांधून तिची हत्या केली. मग तिला रुग्णालयात नेलं. तिथून त्यानं मला फोन केला आणि तुझी लेक दगावली आहे, असं सांगितलं. तो तिला मारहाण करायचा. आम्ही तिला याआधीही दोनदा रुग्णालयात दाखल केलं होतं. त्यावेळी आम्ही पोलीस तक्रारदेखील दाखल केली होती,’ असं अरुल यांनी सांगितलं.