बिट्स पिलानी कॅम्पसमध्ये विद्यार्थ्याने जीवन संपवलं, पाच महिन्यांत तिसरी घटना, संशयाचं वलय.

 सकाळी ९ वाजताच्या सुमारास, कृष्णाच्या मित्रांनी त्याला उठवण्यासाठी त्याच्या खोलिचे दार ठोठावले आणि त्याला हाक मारली. पण कृष्णाने कोणतेही उत्तर दिले नाही. यानंतर त्यांनी कॉलेज प्रशासनाला माहिती दिली. महाविद्यालयातील डॉक्टरांनी तत्काळ घटनास्थळी पोहोचून त्याला मृत घोषित केले.गोव्यातील बिट्स पिलानी कॅम्पसमध्ये आणखी एक दुःखद घटना घडली आहे. एका २० वर्षीय विद्यार्थ्याचा मृतदेह त्याच्या वसतिगृहाच्या खोलीत आढळला. गेल्या पाच महिन्यांत संस्थेत आत्महत्येची ही तिसरी घटना आहे. मृत विद्यार्थ्याचे नाव कृष्णा कासेरा होते. तो उत्तर प्रदेशातील लखनौचा रहिवासी होता. कृष्णाने बिट्स पिलानीच्या गोवा कॅम्पसमध्ये शिक्षण घेतले. तो एमएससी केमिस्ट्री आणि बीई इलेक्ट्रिकल अँड इन्स्ट्रुमेंटेशनमध्ये दुहेरी पदवी घेत होता. कृष्णा Second Year चा विद्यार्थी होता. तो त्याच्या वसतिगृहाच्या खोलीच्या खिडकीला लटकलेला आढळला. गेल्या पाच महिन्यांतील हा तिसरा प्रकार आहे. विशेष म्हणजे तिन्ही विद्यार्थ्यांपैकी कोणीही सुसाईड नोट लिहीली नाही.सकाळी ९ वाजताच्या सुमारास, कृष्णाच्या मित्रांनी त्याला उठवण्यासाठी त्याच्या खोलिचे दार ठोठावले आणि त्याला हाक मारली. पण कृष्णाने कोणतेही उत्तर दिले नाही. यानंतर त्यांनी कॉलेज प्रशासनाला माहिती दिली. महाविद्यालयातील डॉक्टरांनी तत्काळ घटनास्थळी पोहोचून त्याला मृत घोषित केले.

गोव्यातील वेर्ना पोलिस ठाण्यात याबाबत अनैसर्गिक मृत्यूचा गुन्हा दाखल करण्यात आला आहे . पोलिसांनी मृतदेह शवविच्छेदनासाठी मडगाव येथील दक्षिण गोवा जिल्हा रुग्णालयात पाठवला. कृष्णाचे कुटुंब लखनौहून गोव्याला पोहोचले आहे. त्यांनी कॉलेज प्रशासनावर निष्काळजीपणाचा आरोप करत त्यांनी कृष्णाचा मृतदेह घेण्यास नकार दिला आहे. कृष्णाच्या वडिलांनी सांगितले की वसतिगृहात सीसीटीव्ही कॅमेरे बसवलेले नाहीत. आम्ही सीसीटीव्ही फुटेज मागितले होते, पण प्रशासनाने ते आम्हाला दिले नाही. ते पुढे म्हणाले की, परीक्षेपूर्वी विद्यार्थ्यांनी आत्महत्या केल्याच्या घटना चिंताजनक आहेत.कृष्णाच्या आईने सांगितले की तिचे त्याच्याशी दोन दिवसांपूर्वी बोलणे झाले होते. कृष्णाने त्याला सांगितले होते की त्याला बरे वाटत नाहीये. यानंतर, जेव्हा त्यांनी कृष्णाला फोन केला तेव्हा त्यांच्याशी संपर्क होऊ शकला नाही. कुटुंबाने कॉलेज प्रशासनाला कायदेशीर कारवाईची धमकी दिली आहे.

बिट्स पिलानी गोवा कॅम्पसचे जनसंपर्क अधिकारी अर्जुन हालरकर यांनी सर्व आरोप फेटाळून लावले आहेत. त्यांनी सांगितले की, बिट्स पिलानी या प्रकरणाची अंतर्गत चौकशी करत आहे. त्यांनी सांगितले की वसतिगृहाच्या प्रवेशद्वारावर सीसीटीव्ही कॅमेरा बसवण्यात आला आहे. विद्यार्थ्यांच्या गोपनीयतेमुळे वसतिगृहांमध्ये कॅमेरे बसवण्याचे काम थांबवण्यात आले होते, परंतु ते लवकरच पुन्हा सुरू केले जाईल, असेही त्यांनी सांगितले.डिसेंबर २०२४ मध्येही ओम प्रिया सिंग नावाच्या २१ वर्षीय विद्यार्थ्याने आत्महत्या केली होती. ओम हा उत्तर प्रदेशचा रहिवासी होता. तो बीई कॉम्प्युटर सायन्स आणि एमएससी केमिस्ट्रीमध्ये दुहेरी पदवी घेत होता. मार्च २०२५ मध्ये, अथर्व देसाई नावाच्या आणखी एका २० वर्षांच्या विद्यार्थ्याने आत्महत्या केली होती. अथर्व Third Year चा विद्यार्थी होता आणि दुहेरी पदवी घेत होता.