दहा वर्षांपासून भारतात, लष्कराची सिक्रेट्स पाकिस्तानला पाठवणारा गद्दार सापडला, चौकशीत धक्कादायक गौप्यस्फोट.

पोलिस गुप्तचर शाखेने पकडलेल्या पाकिस्तानी गुप्तहेराची ओळख ४० वर्षीय पठाण खान अशी झाली आहे. तो जैसलमेरमधील झिरो आरडी मोहनगडचा रहिवासी आहे. २६ मार्च रोजी त्याची ओळख पटवण्यात आली. पठाण खान २०१९ मध्ये पाकिस्तानला गेल्याचे सांगितले जाते.राजस्थानच्या जैसलमेर पोलिसांच्या गुप्तचर शाखेला मोठे यश मिळाले आहे. पोलीस, सीआयडी आणि आयबीच्या संयुक्त पथकाने ISI साठी काम करणाऱ्या एका पाकिस्तानी गुप्तहेराला अटक केली आहे. पथकाने त्याला २६ मार्च रोजी मोहनगड कालवा परिसरात पकडले. तो बराच काळ पाकिस्तानी गुप्तहेरांना लष्करी क्षेत्राचे व्हिडिओ आणि फोटो पाठवत होता. तो पाकिस्तानी गुप्तचर संस्थेच्या अधिकाऱ्यांच्या संपर्कात आल्याची माहिती देखील समोर आली आहे.पोलिस गुप्तचर शाखेने पकडलेल्या पाकिस्तानी गुप्तहेराची ओळख ४० वर्षीय पठाण खान अशी झाली आहे.

तो जैसलमेरमधील झिरो आरडी मोहनगडचा रहिवासी आहे. २६ मार्च रोजी त्याची ओळख पटवण्यात आली. पठाण खान २०१९ मध्ये पाकिस्तानला गेल्याचे सांगितले जाते. पाकिस्तानमध्ये पठाण पाकिस्तानी गुप्तचर संस्था आयएसआयच्या लोकांच्या संपर्कात आला. पैशाच्या लोभापोटी पठाण खानने पाकिस्तानात प्रशिक्षण घेतले.चौकशीदरम्यान असे उघड झाले की पठाण खानचे नातेवाईक पाकिस्तानात राहतात. भारतात आल्यानंतर तो सतत पाकिस्तानी गुप्तचर संस्थांच्या संपर्कात होता. पैशाच्या लोभापायी, पठाण खान पाकिस्तानी हँडलरला भेटत राहिला. पोलिसांनी दिलेल्या माहितीनुसार, तो जैसलमेरच्या अत्यंत संवेदनशील आंतरराष्ट्रीय सीमा क्षेत्राबद्दलची गोपनीय माहिती पाकिस्तानी गुप्तचर संस्थांना देत होता.

पठाण खान हा पाकिस्तानी हँडलरला भारतीय सैन्य आणि बीएसएफच्या हालचालींबद्दल सतत माहिती देत होता, असे सांगण्यात येत आहे.पहलगाममधील दहशतवादी हल्ल्यानंतर राजस्थानातील जैसलमेरमध्ये पाकिस्तानी गुप्तहेराची अटक हे मोठे यश मानले जात आहे. २६ मार्च रोजी मोहनगड येथून त्याला पकडण्यात आले आणि जयपूरमध्ये चौकशी केल्यानंतर त्याच्याविरुद्ध गुन्हा दाखल करण्यात आल्याचे सांगण्यात येत आहे. पठाण खानला चौकशीसाठी जयपूरला पाठवण्यात आले, जिथे सर्व तपास यंत्रणांनी त्याची सविस्तर चौकशी केली. चौकशीनंतर, गुरुवार, १ मे रोजी जयपूरमध्ये पठाण खानविरुद्ध गुन्हा दाखल करण्यात आला आणि त्याला अटक करण्यात आली.