१० हजारांची पैज जिंकायला दारुच्या ५ बाटल्या ‘नीट’ रिचवल्या न् भयंकर घडलं; ८ दिवसांपूर्वीच…

कर्नाटकात एक चक्रावून टाकणारी घटना घडली आहे. २१ वर्षांचा तरुण पैज जिंकण्यासाठी ५ बाटल्या दारु प्यायला. त्यानंतर त्याचा मृत्यू झाला. कार्तिक असं मृत्यूमुखी पडलेल्या पडलेल्या तरुणाचं नाव आहे.बंगळुरु: कर्नाटकात एक चक्रावून टाकणारी घटना घडली आहे. २१ वर्षांचा तरुण पैज जिंकण्यासाठी ५ बाटल्या दारु प्यायला. त्यानंतर त्याचा मृत्यू झाला. कार्तिक असं मृत्यूमुखी पडलेल्या पडलेल्या तरुणाचं नाव आहे. कार्तिकनं त्याच्या मित्रांसह अन्य काही जणांसोबत दारु पिण्याची पैज लावली होती. ही पैज त्याच्यासाठी जीवघेणी ठरली. कर्नाटकच्या कोलार जिल्ह्यात ही घटना घडली.व्यंकट रेड्डी, सुब्रमणी आणि तीन अन्य जणांसोबत कार्तिकनं दारु पिण्याची पैज लावली होती. पाणी न मिसळता ५ बाटल्या दारु रिचवू शकतो, अशी शेखी कार्तिक मिरवत होता. त्यावर कार्तिकचा मित्र असलेल्या व्यंकट रेड्डीनं त्याला आव्हान दिलं. ५ बाटल्या दारु नीट (पाणी न मिसळता) पिऊन दाखव. तुला १० हजार रुपये देतो, अशी पैज रेड्डीनं लावली.

यानंतर १० हजार रुपये जिंकण्यासाठी कार्तिक पाणी न मिसळता ५ लीटर दारु प्यायला. त्यानंतर त्याची प्रकृती बिघडली. काही वेळातच त्याची प्रकृती गंभीर झाली. त्याला तातडीनं कोलारच्या मुलबागलमधील रुग्णालयात दाखल करण्यात आलं. पण उपचारादरम्यान त्याचा मृत्यू झाला. कार्तिकचा विवाह वर्षभरापूर्वीच झाला होता. ८ दिवसांपूर्वी त्याच्या पत्नीनं एका गोंडस बाळाला जन्म दिला आहे. पैज जिंकण्याच्या नादात कार्तिकचा जीव गेला.कार्तिकच्या मृत्यूनंतर त्याच्या कुटुंबावर दु:खाचा डोंगर कोसळला आहे. अवघ्या ८ महिन्यांच्या बाळाचं पितृछत्र हरपलं आहे. कार्तिकच्या अकाली मृत्यूनंतर व्यंकट रेड्डी आणि सुब्रमणी याच्यासह ६ जणांविरोधात नांगली पोलीस ठाण्यात गुन्हा दाखल करण्यात आला आहे. पोलिसांनी २ आरोपींना अटक केली आहे. अन्य आरोपींचा शोध सुरु आहे.जागतिक आरोग्य संघटनेच्या अहवालानुसार, दरवर्षी जवळपास २६ लाख लोकांचा मृत्यू दारु प्यायल्यानं होतो. हे प्रमाण जागतिक मृत्यूंच्या ४.७ टक्के इतकं आहे. जराशीही दारु प्रकृतीसाठी चांगली नाही. थोडी दारु चालते. कमी दारु प्यायल्यास ती आरोग्यासाठी हानीकारक नसते, असे दावे केले जातात. पण अद्याप तसे कोणतेही शास्त्रीय, वैद्यकीय पुरावे हाती लागलेले नाहीत.