महायुती सरकारचा १०० दिवसांचा निकाल लागला, अजितदादांच्या मंत्र्याची बाजी, कोणता विभाग अव्वल.

देंवेंद्र फडणवीस यांनी मुख्यमंत्री पद स्वीकारल्यानंतर १०० दिवसांची कार्यालयीन सुधारणा मोहीम हाती घेतली. सर्व कार्यालये पारदर्शक, ऑनलाईन, नागरिकांच्या तक्रारीचे तत्काळ निवारण, झिरो पेन्डेन्सी आदी कार्यक्रमाचा या मोहिमेत समावेश होता. या १०० दिवसांच्या कार्यालयीन सुधारणा कार्यक्रमाचे तर्फे अंतिम मूल्यमापन करण्यात आले.महाराष्ट्राच्या जनतेसाठी एक महत्त्वाची बातमी आहे. विधानसभा निवडणुकित ‘न भूतो, न भविष्यती’ अशी मतं मिळवून महाराष्ट्राच्या राजकारणात भूकंप घडवून आणणाऱ्या सत्ताधारी महायुती सरकारने आपल्या १०० दिवसांच्या कामाचे ‘प्रगती पुस्तक’ जाहिर केले. सरकारच्या १०० दिवसांच्या कामाच्या निकालात पहिला क्रमांक आदिती तटकरे यांनी पटकावला आहे. तटकरेंचा महिला आणि बालविकास विभाग ८० टक्के गुण मिळवून सर्वोत्तम ठरला आहे.
राज्याचे मुख्यमंत्री देवेंद्र फडणवीस यांनी सांगितल्याप्रमाणे आज (१ मे) सरकारचा १०० दिवसांच्या कामाचा निकाल जाहिर करण्यात आला. या निकालात आदिती तटकरे यांच्या महिला आणि बालविकास विभाग ८० टक्के गुण मिळाले. त्यानंतर, सार्वजनिक बांधकाम विभागाला ७७.९५ मिळाले.

या सोबतच माणिकराव कोकाटेंच्या कृषी विभागाला ६६.१५ टक्के गुण मिळाले. ग्रामविकास विभाग चौथ्या स्थानावर असून परिवहन आणि बंदरे विभाग पाचव्या स्थानावर आहे.सरकारच्या या १०० दिवसांतील कामांच्या या संपूर्ण आढाव्यात चंद्रपुरचे जिल्हाधिकारी सर्वोत्तम ठरवण्यात आले.त्यांना ८४.२९ गुण मिळाले.त्याखालोखाल कोल्हापुरच्या जिल्हाधिकाऱ्यांना ८१.१४ टक्के गुण आहेत. जळगावचे जिल्हाधिकारी ८०.८६ टक्के गुण मिळवून तिसऱ्या स्थानी आहेत.अकोल्याचे जिल्हाधिकारी चौथ्या स्थानावर. तर, नांदेडचे जिल्हाधिकारी पाचव्या क्रमांकावर आहेत.देंवेंद्र फडणवीस यांनी मुख्यमंत्री पद स्वीकारल्यानंतर १०० दिवसांची कार्यालयीन सुधारणा मोहीम हाती घेतली. सर्व कार्यालये पारदर्शक, ऑनलाईन, नागरिकांच्या तक्रारीचे तत्काळ निवारण, झिरो पेन्डेन्सी आदी कार्यक्रमाचा या मोहिमेत समावेश होता.

या १०० दिवसांच्या कार्यालयीन सुधारणा कार्यक्रमाचे  तर्फे अंतिम मूल्यमापन करण्यात आले. १०० दिवसांच्या कार्यक्रमात आदिती तटकरे यांचं महिला व बालविकास खातं आघाडीवर आहे. याबाबतची संपूर्ण माहिती मुख्यमंत्री देवेंद्र फडणवीस यांनी त्यांच्या सोशल मिडियावर दिली आहे. यासंदर्भात त्यांनी एक पोस्ट शेअर केली आहे. ज्यात त्यांनी, परिवर्तनशील व सर्वंकष विकासाच्या वाटचालीच्या मोहिमेत सर्व विभागांनी केलेल्या अतिशय प्रभावी कामगिरीबद्दल विभागप्रमुखांचे अभिनंदन केले. आणि त्यांनी भविष्यात सुद्धा अशीच चांगली कामगिरी करावी, यासाठी त्यांना शुभेच्छाही दिल्या.