वाद अन् मुंबईहून आलेल्या मुलाने आयुष्य संपवलं, धक्का सहन होईना, माय-लेकीनेही तेच केलं, अन्…

आईसोबतच्य वादाने नाराज झालेल्या एका तरुणाने आपल्या आयुष्याची अखेर केली. जेव्हा आईने आपल्या मुलाचा मृतदेह पाहिला तेव्हा तिला धक्काच बसला. मग तिनेही विष घेतलं आणि तिला पाहून मुलीनेही तेच केलं.आई रागावली म्हणून नाराज झालेल्या एका मुलाने गळफास घेत आपल्या आयुष्याची अखेर केली. जेव्हा आई घरी पोहोचली तेव्हा लेकाला गळफास घेतलेल्या अवस्थेत पाहून तिला मोठा धक्का बसला. त्यानंतर तिने आणि १४ वर्षांच्या लेकीने विष घेत जीव देण्याचा प्रयत्न केला.

यामध्ये मुलीचा मृत्यू झाला असून आईची प्रकृती गंभीर आहे. उत्तर प्रदेशातील गोरखपूरच्या हरपूर-बुधात कुटादेहरी या परिसरात बुधवारी (३० एप्रिल) ही हृदयद्रावक घटना घडली.शेजाऱ्यांनी या घटनेची माहिती पोलिसांना दिली. पोलीस तात्काळ घटनास्थळी पोहोचले आणि त्यांनी गंभीर परिस्थिती असलेल्या आई आणि मुलीला बीआरडी मेडिकल कॉलेजमध्ये पाठवले. जिथे डॉक्टरांनी मुलगी सुप्रियाला मृत घोषित केले.

तर, आई कौशल्या देवी यांची प्रकृती अजूनही गंभीर आहे. दुसरीकडे, मोहितचा मृतदेह फासावरून खाली आणल्यानंतर पोलिसांनी पंचनामा केला आणि मृतदेह शवविच्छेदनासाठी पाठवला आहे.कूचादेहरी येथील मोहितचे वडील अंगद कन्नौजिया यांचे १० वर्षांपूर्वी निधन झाले होते. वडिलांच्या निधनानंतर, मोहित लहानपणीच पैसे कमवण्यासाठी मोठे वडील आणि काका यांच्यासोबत मुंबईला निघून गेला. तर, गावात त्याची आई कौशल्या देवी, बहीण सुप्रिया आणि बाबा हरिलाल राहत होते.