फक्त 15 मिनिटात काम फत्ते! HSRP नंबरप्लेट बसवण्याची शेवटची तारीख जवळ, अतिरिक्त 200 रुपये द्या अन्…

कुर्ला न्यायालयासमोर असलेल्या फिटमेंट सेंटरमध्ये अवघ्या 15 मिनिटांत नोंदणी क्रमांकाची पाटी बसवण्यात येत आहे. कालमर्यादेत जुन्या वाहनाला ‘एचएसआरपी’ बसवा अन्यथा कारवाईस तयार राहा.राज्यात सर्व वाहनांवर उच्च सुरक्षा नोंदणी क्रमांक पाटी (एचएसआरपी) बसवण्याचा निर्णय राज्य सरकारने घेतला आहे. राज्य परिवहन आयुक्तालयाने दिलेली नवी मुदत 30 जूनला संपणार आहे. मुदत संपल्यावर प्रादेशिक परिवहन कार्यालयाकडून राज्यात कारवाई सुरू होणार आहे. सद्यस्थितीत वाहनचालकांमध्ये जुन्या वाहनांना नवी ‘एचएसआरपी’ लावण्यासाठी लगबग सुरू झालो आहे. कुर्ला न्यायालयासमोर असलेल्या फिटमेंट सेंटरमध्ये अवघ्या 15 मिनिटांत नोंदणी क्रमांकाची पाटी बसवण्यात येत आहे. कालमर्यादेत जुन्या वाहनाला ‘एचएसआरपी’ बसवा अन्यथा कारवाईस तयार राहा.सेंटर कुठे? : रिअल मेजॉन फिटमेंट सेंटर, कुर्ला कोर्टसमोर, एल. बी. एस. मार्ग, कुर्ला पश्चिम पाटी बसवण्यासाठी कामगार : 10 फिटमेंट सेंटर वेळ : सकाळी साडे सात ते रात्री आठ वाहने : दुचाकी, तीन चाकी आणि चार चाकीवाहने – रोजची सरासरीदुचाकी – 110-120 चार चाकी – 40-50 तीन चाकी 15-20फिटमेंटमध्ये गेल्यानंतर ऑनलाइन पैसे भरल्याची पावती दाखवावी. पावती पडताळणीनंतर वाहन नोंदणी पाटी (पुढील आणि मागील) मिळवा. कामगाराला सांगून नोंदणी पाटी बसवून घ्या.परिवहन विभागाने दिलेल्या संकेतस्थळावर नोंदणी केल्यानंतर 25 एप्रिल रोजी दुपारी 3 वाजता अपॉइंटमेंट होती. वेळेवर फिटमेंट सेंटर येथे पोहोचलो. सेंटरवर पोहोचल्यावर ऑनलाइन पावती दाखवली. पावतीची पडताळणी केल्यावर दुचाकीच्या दोन नोंदणी क्रमांक पाटी मिळाल्या. सेंटरवरील एका कर्मचाऱ्याने जुनी पाटी काढली आणि नवी पाटी बसवली. 10 ते 15 मिनिटांच्या आत नवी पाटी बसवण्याची प्रक्रिया पूर्ण झालो. जुनी पाटी मात्र सेंटरमध्ये ठेवून घेण्यात आली, असे दुचाकीमालक विवेक कांचळे यांनी सांगितले.कामापासून जवळचे ठिकाण म्हणून कुर्ला न्यायालयासमोरील फिटमेंट सेंटरची निवड केली होती. दुपारी १२ वाजताची अपॉइंटमेण्ट होती. मात्र, दुपारी २ वाजता आलो. फिटमेंट सेंटरमध्ये गर्दी होती. त्यातच काही कामगारांचा लंच ब्रेक झाला. कामगार जेवण करून येईपर्यंत नोंदणी पाटी हातात घेऊनच उभा होतो. अडीचच्या सुमारास कामगार आले.

तीन वाजता ‘एचएसआरपी’ दुचाकीला बसवून निघालो. फिटमेंट सेंटरमध्ये वाहनमालकांना चसण्याची आणि पिण्याच्या पाण्याची व्यवस्था नव्हती. उन्हातून संरक्षणासाठी नाममात्र जाळीचे छत उभारण्यात आले आहे. उन्हामुळे होणारा त्रागा टाळण्यासाठी बाहनचालकांनी वेळेत यावे, असे तीनचाकी चालक दिनेश मोयां म्हणतात.नोंदणी क्रमांकाची पाटी घेतल्यावर त्यासाठी काळ्या रंगांची फायबर फ्रेम फिटमेंट सेंटरमध्ये उपलब्ध आहे. यासाठी २०० रुपये अतिरिक्त मोजावे लागत आहे. ही फ्रेम ऐच्छिक आहे. फ्रेममुळे नोंदणी क्रमांक पाटी सुरक्षित राहते. पाटी वाकत नाहीं. सर्व वाहनचालकांना फ्रेमबाबत माहिती देण्यात येते. वाहनचालकांच्या म्हणण्यानुसार फ्रेम बसवण्यात येते. याशिवाय कोणतेही अतिरिक्त शुल्क आकारले जात नाही, असे फिटमेंट सेंटरचे व्यवस्थापक कदीम अहमद यांनी सांगितले.फिटमेंट सेंटरमध्ये वाहनचालकांच्या वाहनाची जुनी पाटी हटवणे आणि नवी पाटी बसवण्यासाठी रोज ५०० रुपये हजेरी आहे. वाहन आल्यानंतर जुन्या पाटीचे स्कू उघडले जातात. त्यानंतर नव्या पाटीवर योग्य माप घेऊन ड्रील मशिनने छिद्रे पाडण्यात येतात. पाटी बसवल्यावर सील केली जाते. सील काढणे अशक्य असते. सकाळी आणि संध्याकाळी वाहनांची संख्या अधिक असते. तुलनेने दुपारी वाहने कमी येतात. सकाळी साडे सात वाजता सेंटरमध्ये आल्यावर दुपारी अर्धा तास जेवणाची सुट्टी असते, असे फिटमेंट सेंटरमधील कामगार सचिन कनोजिया सांगतात.