बुलढाण्यातील भेंडवळच्या भाकिताने खळबळ, पाऊस, आर्थिक टंचाई आणि काश्मीरबाबत मोठा दावा.

बुलढाण्यातील भेंडवळच्या भाकिताची परंपरा ३०० वर्षांहून अधिक जुनी आहे. यंदा पीक पाणी सर्वसाधारण राहील. कापूस पिकावर रोगराई जास्त असेल. जुलै, ऑगस्ट, सप्टेंबरमध्ये पाऊस चांगला राहील. देशात नैसर्गिक आपत्ती वाढण्याची शक्यता आहे. आर्थिक टंचाई जाणवेल. राजा (पंतप्रधान) तणावात राहील. परकीय शत्रूंपासून त्रास वाढेल, असा अंदाज वर्तवण्यात आला आहे. अक्षय तृतीयेच्या दुसऱ्या दिवशी हे भाकीत जाहीर होते.जवळपास 300 वर्षाची परंपरा आणि भेंडवळचे भाकीत हे कायमच एक समीकरण मुख्यतः शेतकरी वर्गांपासून ते राजकीय क्षेत्रात सर्वसाधारण ग्रामस्थ गाव खेड्यातील व शहर भागातील लोक याकडे लक्ष देऊन असतात आणि तेच भेंड्याचे भाकीत आज जाहीर झाले. तीनशे वर्षापेक्षा जास्त प्रथा असलेल्या या मांडणीला राज्याच्या आणि परिसरातील शेतकरी वर्ग सर्वसाधारण नागरिक उपस्थित होते. या भविष्यवाणी मुख्यतः येणारे पीक पाऊस आणि नैसर्गिक संकटे यावर भाष्य करण्यात आले.या वर्षी पीक पाणी सर्वसाधारण असून, कापूस पिकावर रोगराई जास्त असेल, तर इतर पिके साधारण येतील यात गहू, हरबरा, उडीद मुंग, ज्वारी, तूर.

शेतमालाला भाव मिळणार नाही, मंदी असेल. तर जुलै महिन्यात भरपूर पाऊस, ऑगस्टमध्ये नुकसान करणारा पाऊस असेल तर सप्टेंबरमध्ये भरपूर पाऊस असेल. यंदा देशात नैसर्गिक जसे पूर, भूकंप, युद्धजन्यआपत्तीचं प्रमाण जास्त असे देशात मोठ्या प्रमाणात आर्थिक टंचाई असेल- राजा (पंतप्रधान) कायम असेल पण कायम तणावात असेल. यंदा पिके साधारण राहणार असून, पावसाळा चांगला असेल. परकीय शत्रूपासून मोठा त्रास वाढणार आहे.ज्या वस्तू साधारणत आपल्या दैनंदिन रोजच्या जीवनामध्ये आपण वापरतो ज्यामध्ये खाद्यपदार्थ असू द्या किंबहुना आपल्या घरामध्ये ज्या नित्तक्रमाने आपण ज्या गोष्टी वर्षभर वापरतो त्याच उपयोग करत ही घटमांडणी केल्या जाते. भेंडवळच्या घटमांडणीची परंपरेनुसार एक विशिष्ट पद्धत आहे. शेतात मध्यभागी खोल खड्डा करुन त्या खड्ड्यात मातीचा घट मांडण्यात येतो. घटात चार मातीची ढेकळे, त्यावर पाण्याने भरलेली घागर आणि घागरीवर पापड, भजा, वडा, सांडोई, कुरडई ठेऊन घटाच्या बाजूला पान सुपारीसह विविध 18 प्रकारची धान्ये मांडली जातात.

घटाच्या वर्तुळाकार अठरा धान्ये गहू, ज्वारी, तूर, उडीद, मूग, हरभरा, जवस, तीळ, भादली, करडी मसूर, बाजरी, तांदूळ, अंबाडी, सरकी, वाटाणा ही धान्ये मांडली जातात.आजच्या आधुनिक आणि डिजिटल हायटेक युवा जवळपास 300 वर्षापेक्षा जास्त सुरू असलेली ही परंपरा आजही जोपासल्या जात आहे. अत्यंत साध्या सोप्या पद्धतीने येणारे वर्ष कसे आपल्या करता येणार हे अक्षतृतीयेच्या दुसऱ्या दिवशी जाहीर करण्यात येते यावर मतप्रवाह देखील आहे मात्र शेती संदर्भात असू द्या किंवा येणारे संकट याला आपल्या परीने सर्वजण सामोरे जातात. आणि त्यातून मार्ग काढतात .त्यामुळे श्रद्धा की अंधश्रद्धा विश्वास आणि मार्ग असा समतोल ठेवत या घट मांडणी कडे पाहायला हरकत नाही. एकंदरीत दरवर्षी अक्षय तृतीयेच्या दुसऱ्या दिवशी येणारी ही गट मांडणी उघडपणे कोणी या गट मांडणी बाबत बोलत नसलं तरी याची आतुरता आजही कायम आहे.