भयंकर! चिकन विक्रीच्या वादातून अल्पवयीन मुलाला संपवलं; बीडमध्ये खळबळ.

चिकन विक्रीच्या वादातून एका अल्पवयीन मुलाची हत्या केल्याची धक्कादायक घटना बीडमधील केजमध्ये घडली आहे. या घटनेमुळे परिसरात खळबळ उडाली असून पोलिसांनी गुन्हा दाखल केला आहे. आरोपी अल्पवयीन असल्याने त्याचा शोध घेतला जात आहे.चिकन विक्रीच्या वादातून एका अल्पवयीन मुलाला त्याच्याच शेजारी चिकन विक्रीचे दुकान असलेल्या मुलाने उचलून सिमेंटच्या नाल्यावर आदळल्याने त्याचा जागीच मृत्यू झाला. घटना केज शहरामध्ये घडली. या प्रकरणात केज पोलिसात गुन्हा दाखल करण्यात आला असून आरोपी अल्पवयीन आहे.तर याचा पोलिस अधिक तपास करत आहेत.चिकन विक्रीच्या किरकोळ वादातून हा प्रकार घडल्याने केज तालुक्यात खळबळ उडाली आहे.दरम्यान अल्पवयीन आरोपीचा शोध केज पोलिस घेत आहेत. केज शहरात चिकन विक्रीच्या किरकोळ वादातून एक धक्कादायक घटना घडली आहे.

अल्पवयीन मुलाचं दुसऱ्या एका अल्पवयीन मुलाशी वाद झाला. हा वाद वाढत गेला आणि आरोपीने रागाच्या भरात त्या मुलाला उचलून थेट सिमेंटच्या नाल्यावर आपटलं. त्यामुळे त्याच्या डोक्याला गंभीर मार लागला आणि घटनास्थळीच मृत्यू झाला. या घटनेमुळे परिसरात खळबळ उडाली असून पोलिसांनी गुन्हा दाखल केला आहे. आरोपी अल्पवयीन असल्याने त्याचा शोध घेतला जात आहे.बीडच्या माजलगाव येथे एका युवकाची धारदार शस्त्राने हत्या करण्यात आली. बाबासाहेब प्रभाकर आगे असे मयताचे नाव आहे. ते भाजपचे तालुका सरचिटणीस होते. नारायण शंकर फपाळ असे आरोपीचे नाव आहे. आरोपीने बलात्कार करतो का म्हणत शरीरावर वार केले त्यात बाबासाहेबांचा जागीच मृत्यू झाला.हत्या केल्यानंतर आरोपी नारायण स्वत:हून माजलगाव शहर पोलिस ठाण्यात गेला.

जेथे जात त्याने खूनाची कबुली दिली.  बाबासाहेब यांच्यावर आरोपी वार करत असताना एका तरुणाने हल्लेखोरावर दगडफेक केली मात्र हल्लेखोराने कुणी समोर आले तर त्याचेही हाल करु असे ओरडत सांगितले. त्यामुळे कोणी पुढे सरसावले नाही काही जण या घटनेचा व्हिडिओ काढत होते.आपल्या पत्नीशी बाबासाहेब याचे अनैतिक संबंध होते. त्याला वारंवार सांगूनही तो ऐकत नसल्यानेच आपण त्याची हत्या केली अशी कबुली नारायण याने पोलिसांना दिली. पोलिस या प्रकरणाचा अधिक तपास करत आहेत.